Bankoa ABANCA e Itsas Garapen Elkartea abordan os retos do sector e apostan pola sostibilidade
- As dúas entidades reimpulsan a súa colaboración e crean novas solucións para os retos do día a día do sector, moi marcado pola conxuntura económica
- O banco pon en valor a experiencia da súa unidade especializada ABANCA Mar e da súa implantación no País Vasco
O coordinador de ABANCA Mar, Mikel Eraso, e o presidente de Itsas Garapen Elkartea, Aurelio Bilbao, durante a sinatura.
Bankoa ABANCA e a asociación Itsas Garapen Elkartea dan un novo paso no camiño de colaboración iniciado o ano pasado e renovan o seu convenio de colaboración. O novo texto, creado da man do sector, ofrece solucións á medida para apoiar unha actividade económica de gran relevancia do tecido produtivo no País Vasco.
O convenio asinouse esta mañá en Bermeo nas instalacións da Cofradía de Pescadores de San Pedro de Bermeo e participaron o presidente de Itsas Garapen Elkartea, Aurelio Bilbao, e o coordinador de ABANCA Mar, Mikel Eraso. Grazas a esta sinatura, as dúas entidades potencian o mundo da pesca e da acuicultura en Euskadi e dan un impulso a toda a cadea de valor do mar.
O documento, que xa está en vigor para todos os asociados de Itsas Garapen Elkartea, promove novos proxectos empresariais e a mellora competitiva dos actuais. Para iso, inclúe produtos con prazos de amortización longos, posibilidade de introducir carencias e xuros axustados. Precisamente esta oferta aporta solucións á aposta pola sostibilidade, un impulso estratéxico que une a ambas as entidades e que se traduce en produtos como a hipoteca naval. Con ela, a entidade financeira contribúe a acelerar o proceso de renovación da frota do sector no País Vasco e fomenta a substitución de buques máis eficientes e que deixen menos pegada no medio ambiente. O texto completa as súas opcións de financiamento cos convenios oficiais, a través do ICO e da SGR.
Tamén activa unha tramitación áxil e condicións melloradas na contratación de produtos vinculados á actividade diaria, como as pólizas de crédito, as liñas de desconto, liña a liña de confirming Confirm-MAR, os anticipos de subvencións, o aprazamento fiscal ou os avais.
Este acordo é unha proba do compromiso da entidade financeira por un sector clave para o País Vasco, como é o mundo do mar. Bankoa ABANCA pon en valor a experiencia acumulada da súa unidade especializada ABANCA Mar, que desde 2016 combina unha oferta única con produtos a medida e xestores especializados. Todo isto unido ao coñecemento acumulado e a proximidade da súa rede comercial logo da adquisición de Bankoa en 2020.