Directivos de ABANCA visitan o Complexo Hospitalario Universitario de Santiago para recoñecer o traballo dos sanitarios
- Os representantes de ABANCA puideron coñecer a contribución dos equipos doados pola entidade á xestión da pandemia na área Sanitaria de Santiago e Barbanza
De esquerda a dereita na imaxe, María José López, Juan Carneiro, Álvaro Rodríguez, Eloína Núñez e Alfonso Varela.
Directivos de ABANCA visitaron esta mañá as instalacións do Complexo Hospitalario Universitario de Santiago. A visita foi realizada por Juan Carneiro, director territorial de ABANCA en Santiago, e Álvaro Rodríguez, da área de Banca Institucional, quenes mantiveron un encontro con Eloína Núñez, xerente da área Sanitaria de Santiago e Barbanza, María José López, directora de Recursos Económicos, e Alfonso Varela, director asistencial.
A visita tivo por obxectivo recoñecer o traballo realizado polos profesionais sanitarios da área Sanitaria de Santiago e Barbanza na súa loita contra o COVID-19, así como interesarse pola situación sanitaria actual.
Os representantes de ABANCA puideron así mesmo coñecer a contribución realizada a ese esforzo polos equipos sanitarios doados á Área Sanitaria de Santiago e Barbanza, e ao resto de centros do SERGAS, para reforzar as súas capacidades fronte ao COVID-19.