300 empregados de ABANCA emprenden o Camiño de Santiago desde 13 tramos diferentes en apoio ao Xacobeo 21-22
- Comezaron o itinerario, acompañados por 100 familiares e amigos, en Roncesvalles (Navarra); Irún (País Vasco); A Coruña, Ferrol e Fisterra (Galicia); Ponferrada (León); Sevilla, Málaga e Almería (Andalucía); Alacante (Comunidade Valenciana); Barcelona e Xirona (Cataluña) e Madrid
- O obxectivo da acción é visibilizar e dar a coñecer a ruta xacobea e os valores que representa
- O 25 de xullo de 2022 os grupos percorrerán a última etapa para confluír na chegada a Santiago de Compostela
![20210725-abanca-camino-6 20210725-abanca-camino-6](/img/internas/20210725-abanca-camino-6-1de5c5df.jpg)
O Camiño de Madrid arrancando no Kilómetro Cero.
![20210725-abanca-camino-10 20210725-abanca-camino-10](/img/internas/20210725-abanca-camino-10-8278e610.jpg)
O Camiño de Fisterra e Muxía desde o Faro de Fisterra.
![20210725-abanca-camino-5 20210725-abanca-camino-5](/img/internas/20210725-abanca-camino-5-a0b42c2c.jpg)
A Praza de María Pita na Coruña acolleu o do Camiño Inglés.
![20210725-abanca-camino-8 20210725-abanca-camino-8](/img/internas/20210725-abanca-camino-8-52d6e2ed.jpg)
O Camiño Inglés no seu inicio en Ferrol.
![20210725-abanca-camino-2 20210725-abanca-camino-2](/img/internas/20210725-abanca-camino-2-1acbf209.jpg)
O Castelo Templario de Ponferrada como inicio do Camiño de Inverno.
![20210725-abanca-camino-1 20210725-abanca-camino-1](/img/internas/20210725-abanca-camino-1-baaaff74.jpg)
A Catedral de Sevilla no inicio da Ruta da Prata.
![20210725-abanca-camino-4 20210725-abanca-camino-4](/img/internas/20210725-abanca-camino-4-f45cd335.jpg)
O Camiño Mozárabe arrancou en Almería.
![20210725-abanca-camino-7 20210725-abanca-camino-7](/img/internas/20210725-abanca-camino-7-ff7c6d58.jpg)
O Camiño Mozárabe ao seu comezo en Málaga.
![20210725-abanca-camino-11 20210725-abanca-camino-11](/img/internas/20210725-abanca-camino-11-c55ae2fb.jpg)
O icónico inicio do Camiño Francés en Roncesvalles.
![20210725-abanca-camino-12 20210725-abanca-camino-12](/img/internas/20210725-abanca-camino-12-1a7f265e.jpg)
O comezo do Camiño Primitivo en Irún.
![20210725-abanca-camino-9 20210725-abanca-camino-9](/img/internas/20210725-abanca-camino-9-cb033740.jpg)
O inicio do Camiño da La en Alacante.
![20210725-abanca-camino-13 20210725-abanca-camino-13](/img/internas/20210725-abanca-camino-13-d6120576.jpg)
A saída do Camiño Catalán en Xirona.
![20210725-abanca-camino-3 20210725-abanca-camino-3](/img/internas/20210725-abanca-camino-3-3acdb420.jpg)
A saída do Camiño Catalán desde Barcelona.
ABANCA iniciou este domingo, 25 de xullo, coincidindo coa festividade de Santiago Apóstolo, unha acción colectiva de apoio á celebración do Ano Santo Xacobeo 2021-2022, un evento recoñecido a nivel mundial do que o banco é patrocinador oficial, capaz de atraer millóns de visitantes a Galicia e cun grande impacto económico tanto nesta comunidade autónoma como no resto de territorios polos que pasan as distintas rutas.
Preto de 300 profesionais do banco acompañados por 100 familiares e amigos percorreron simultaneamente as etapas iniciais de sete dos camiños oficiais (Camiño Francés, Camiño Inglés, Camiño Primitivo, Camiño do Norte, Vía da Prata, Camiño de Inverno e Camiño de Fisterra) e catro das variantes recoñecidas que conflúen neles (Camiño Mozárabe, Camiño de Madrid, Ruta da La e Camiño Catalán).
Os participantes reuníronse nos puntos de partida das diferentes rutas, situadas en 13 localidades diferentes de España, e realizaron os primeiros tramos de cada traxecto gozando dunha xornada de confraternización. En concreto, iniciaron o percorrido en Roncesvalles (Navarra); Irún (País Vasco); A Coruña, Ferrol e Fisterra (Galicia); Ponferrada (León); Sevilla, Málaga e Almería (Andalucía); Alacante (Comunidade Valenciana); Barcelona e Xirona (Cataluña) e Madrid.
Ao longo dos vindeiros 12 meses, os profesionais do banco, acompañados por familiares e amigos que desexen unirse á iniciativa, completarán todas as etapas dos camiños ata confluír o 25 de xullo de 2022 na súa chegada a Santiago de Compostela.
Con esta acción, ABANCA quere contribuír a dar visibilidade á ruta xacobea, punto de encontro entre culturas desde hai séculos e eixe vertebrador de Europa e España de norte a sur e de leste a oeste, así como a difundir os valores que representa, como a convivencia pacífica, a hospitalidade, a solidariedade, o esforzo ou o desexo de mellorar.