ABANCA e a Sinfónica de Galicia involucran a colectivos vulnerables nun proxecto social
O conselleiro delegado de ABANCA, Francisco Botas, o presidente, Javier Etcheverría, o director xeral de Responabilidade Social Corporativa e Comunicación, Miguel Ángel Escotet, e a directora de Responsabilidade Social Corporativa de ABANCA, Tatiana Suárez, visitaron o proxecto social ABANCA ReSuena.
O presidente de ABANCA, Javier Etcheverría, o conselleiro delegado de ABANCA, Francisco Botas, o director xeral de Responsabilidade Social Corporativa e Comunicación de ABANCA, Miguel Ángel Escotet e o alcalde da Coruña e presidente do Consorcio para a promoción da música, Carlos Negreira visitaron esta tarde no Centro Cívico de Montealto aos nenos e mozos que participan no proxecto social ABANCA ReSuena.
O proxecto ReSuena, ao que agora se suma ABANCA, foi concibido pola Orquesta Sinfónica de Galicia (OSG) na temporada 2012-2013 e materializouse en 2014. Baseado nun modelo ético, pedagóxico, ocupacional e artístico, ten como obxectivo principal a reinserción social da infancia e da xuventude en situación de risco e exclusión. Desde os seus inicios puxo o acento en ofrecer unha nova dimensión social da actividade educativa musical.
A iniciativa involucra a colectivos de nenos e mozos da Coruña que tanto polas súas características étnicas, como pola súa situación socioeconómica, atópanse en situación de vulnerabilidade. ABANCA ReSuena bríndalles a oportunidade de participar e ser protagonistas dun proxecto inclusivo. “Para ABANCA é unha oportunidade única colaborar con este tipo de proxectos, innovadores e integradores, que permiten dar unha nova oportunidade a colectivos vulnerables, grazas á educación e a música”, indicou Miguel Ángel Escotet.
Os organizadores destacan as sensacións recibidas por parte dos alumnos e pais e inciden en que o programa atende necesidades que, doutro xeito, non terían unha oportunidade. En moi pouco tempo logrou resultados sorprendentes en nenos e mozos que atopan na música un refuxio a problemáticas como o absentismo e alto nivel de fracaso escolar, o escaso desenvolvemento de habilidades sociais, a estigmatización, os problemas de comportamento, falta de atención e motivación… Nun futuro, está previsto que ABANCA ReSuena se estenda a outros barrios da cidade e, nunha segunda fase, poderíase ampliar coa creación de núcleos de acción a outras cidades de Galicia.
Una orquestra singular
ABANCA ReSuena é un proxecto innovador no que participan máis de 70 nenos e mozos e xa presenta unha importante lista de espera. Os docentes que participan nesta iniciativa imparten ata 12 horas lectivas á semana, en horario vespertino de luns a xoves no Centro Cívico de Montealto.
Neste momento estase poñendo especial énfase en reforzar a tarefa docente, pero nos próximos meses haberá concertos públicos para mostrar os resultados dos alumnos. A OSG destaca pola súa implicación social e a súa importante vertente pedagóxica. Como institución, contan cunha longa traxectoria de concertos solidarios por toda Galicia en hospitais, residencias da terceira idade ou centros de menores, entre outros.