ABANCA obtén un beneficio antes de impostos de 182 millóns e incrementa un 59% o financiamento concedido
Resultados primeiro trimestre 2015
- Rendibilidade: Mellora en todos os resultados e na marxe bruta, que se duplica. O beneficio neto acada os 129 millóns
- Calidade do risco: O ratio de mora redúcese un 39% interanual.O saldo de dubidosos redúcese un 30%
- Solvencia: Sólida posición de capital que sitúa á entidade entre as máis capitalizadas de Europa - CET1 do 15,57% cun incremento do 48% - CET1 fully loaded do 15,1%
- Liquidez: ABANCA cumpre os requisitos de 2018 a marzo de 2015
- Crecemento comercial: Os recursos de clientes crecen 972 millóns en tres meses, cun aumento do 16% en fondos de investimento
Imaxe 1. Cifras máis destacadas dos resultados trimestrais de ABANCA.
Imaxe 2: Conta de pérdidas e ganancias consolidada do primeiro trimestre 2015
Imaxe 3. O ratio de capital de máxima calidade da entidad (CET1) situóuse no 15,57%,
Imaxe 4. Os recursos de clientes crecen 972 millóns nun trimestre
Imaxe 5. Volumen de financiación concedida no primeiro trimestre del 2015
Descarga los contenidos anexos
ABANCA obtivo un beneficio antes de impostos de 182 millóns de euros no primeiro trimestre do año e sitúa o beneficio atribuído en 129 millóns de euros. Un resultado que estivo apoiado no dinamismo da actividade comercial, a melloría experimentada na calidade do risco e a solidez dos seus ratios de capital.
Os ingresos por servizos increméntanse un 5,24%, destacando a achega da área de seguros, cuxos ingresos crecen un 12,8% despois de comercializar 15.000 pólizas de seguros libres no trimestre, un 70% máis que as comercializadas no mesmo período do ano anterior. Os gastos de explotación normalizados redúcense un 4%, axustándose a eficiencia da entidade.
Ver imaxe 2
Calidade do risco: a taxa de mora redúcese un 39%
ABANCA reduciu un 39% a súa taxa de morosidade situándose no 11,1%, máis dun punto por debaixo da media do sector. No último ano, a entidade reduciu o seu stock de créditos dubidosos un 30%. A mellora na calidade crediticia produciuse mantendo un nivel robusto de solvencia dentro da política de prudencia que segue a entidade, cunha taxa de cobertura dos créditos dubidosos do 58%, case cinco puntos máis que a rexistrada en decembro.
Polo que respecta á xestión do risco inmobiliario, ABANCA presenta unha exposición ao sector inmobiliario inferior ao 4% sobre o total do investimento crediticio. No primeiro trimestre do ano a entidade incrementou nun 30% a venda de activos inmobiliarios adxudicados acadando as 337 unidades vendidas.
Solvencia: entre as entidades máis capitalizadas
O ratio de capital de máxima calidade da entidade (CET1) situouse no 15,57%, un crecemento do 48% respecto ao valor de marzo de 2014. En termos “fully loaded”, isto é, anticipando as regras de cálculo máis estritas que aplicarán a partir de 2018 (Basilea III), o ratio ascende ao 15,1% o que sitúa á entidade entre as máis capitalizadas de Europa.
Manter un nivel de capitalización elevado constitúe a pedra angular da súa posición, posto que lle permite afrontar o seu plan de negocio e os novos requisitos normativos de Basilea III. Así, o ratio de capital do 15,57% supón un exceso de 1.600 millóns sobre o 9%, mínimo regulatorio que as entidades terán en 2019 baixo Basilea III. O incremento na capitalización explícase pola xeración de beneficios, dedicados a seguir reforzando o balance e o crecemento.
Ver imaxe 3
Liquidez: folgada cobertura das esixencias de Basilea III para 2018
ABANCA continúa coa súa estratexia sustentable a longo prazo, financiando a súa carteira de crédito integramente con depósitos minoristas, de xeito que os créditos supoñen o 89% dos depósitos. Paralelamente, mantén unha folgada posición de liquidez, con 11.800 millóns de activos líquidos dispoñibles máis capacidade de emisión, que lle permiten centrar a súa actividade no negocio bancario tradicional e a concesión de financiamento a familias e empresas.
Este perfil de liquidez permite que ABANCA cumpra anticipadamente cos ratios mínimos de liquidez que se esixirán aos bancos en 2018, baixo os requerimentos de Basilea III. Os recursos de clientes crecen 972 millóns nun trimestre O volume de recursos xestionados de clientes incrementouse en 972 millóns no trimestre, de 2015 para acadar un saldo de 32.690 millóns de euros, un 11,6% por riba do existente a marzo de 2014.
Os depósitos minoristas crecen en 689 millóns no mesmo trimestre ata situárense en 28.808 millóns de euros, mentres que os fondos de investimento rexistraron un crecemento do 16,2%. O dinamismo amosado polos depósitos de clientes tivo un claro impacto na recuperación da cota de mercado, de tal xeito que no último ano ABANCA aumentou en 223 puntos básicos a súa cota de depósitos en Galicia.
Os recursos de clientes crecen 972 millóns nun trimestre
O volume de recursos xestionados de clientes incrementouse en 972 millóns no trimestre, de 2015 para acadar un saldo de 32.690 millóns de euros, un 11,6% por riba do existente a marzo de 2014. Os depósitos minoristas crecen en 689 millóns no mesmo trimestre ata situárense en 28.808 millóns de euros, mentres que os fondos de investimento rexistraron un crecemento do 16,2%. O dinamismo amosado polos depósitos de clientes tivo un claro impacto na recuperación da cota de mercado, de tal xeito que no último ano ABANCA aumentou en 223 puntos básicos a súa cota de depósitos en Galicia.
Ver imaxe 4
Impulso do crédito: 1.796 millóns de novo financiamento
O volume de financiamento concedido no trimestre elévase a 1.796 millóns o que supón un crecemento do 59% respecto ao mesmo período do ano anterior e provoca un crecemento do saldo de crédito normal a familias e empresas do 3,55% en termos interanuais, retornando a taxas positivas por primeira vez dende o inicio da crise. A aposta polo crédito a familias e empresas permitiu que ABANCA gañase 211 puntos básicos de cota de mercado en Galicia no último exercicio e que no último trimestre o 48% das hipotecas formalizadas en dita comunidade foran concedidas por ABANCA.
Ver imaxe 5