ABANCA renova o seu compromiso coa celebración da Copa ASOBAL en León
https://www.abanca.com/gl/clientes/- O acto de presentación da XXVII edición da competición tivo lugar na oficina principal da entidade financeira na capital - O torneo está programado para a fin de semana do 17 e 18 de decembro no Palacio Municipal de los Deportes e reunirá os catro mellores equipos da liga
O director territorial de ABANCA en León e Asturias, Marcos Lamas, no centro da imaxe, durante a presentación.
O director territorial de ABANCA en León e Asturias, Marcos Lamas, segundo pola esquerda, durante a presentación.
Cartel da XXVII Copa ASOBAL.
ABANCA apoia outro ano máis ao ABANCA Ademar e patrocinará a celebración da Copa ASOBAL en León. O Palacio Municipal de los Deportes acollerá a fin de semana do 17 e 18 de decembro unha competición que cumpre tres anos na cidade e que citará aos catro mellores equipos da liga ASOBAL, entre eles o ABANCA Ademar.
O acto de presentación desta XXVII edición tivo lugar na oficina principal de ABANCA en León e contou coa participación do director territorial de ABANCA en León e Asturias, Marcos Lamas; o presidente do ABANCA Ademar, Cayetano Franco; o concelleiro de Deportes do Ayuntamiento de León, José María López; e o adestrador do ABANCA Ademar, Rafa Guijosa; así como algúns xogadores e outros membros da xunta directiva.
A Copa ASOBAL é unha competición asentada na cidade e que contribúe a colocar a León como capital do balonmán durante a disputa do campionato. O compromiso de ABANCA co equipo ademarista permite consolidar a afección por este deporte na cidade e incrementar o potencial turístico de León. Este apoio é unha mostra máis da vinculación que adquiriu a entidade financeira co ABANCA Ademar hai máis de dous anos, cando iniciou o seu patrocinio con vocación de permanencia.
Unha competición que medra
A estabilidade do patrocinio de ABANCA permitiu desenvolver diversas iniciativas que contribuirán a arraigar máis a competición en León. De maneira paralela á Copa ASOBAL, programouse un campionato de hip hop, unha exhibición da ximnasta Carolina Rodríguez, diversos concertos en directo ou degustacións culinarias, entre outros.