• Contacto
  • abanca.com
ABANCA Comunicación
  • Novas
  • Mediateca
  • Información básica
  • Novas
  • Mediateca
  • Información básica
  • En castellano
Ver más noticias

Francisco Botas: “ABANCA aumentou un 37% o financiamento ao sector forestal en 2020”

  • ABANCA Agro celebrou esta mañá un evento en formato dixital para analizar as oportunidades de crecemento e investimento que o sector ofrecerá nos próximos anos
  • O encontro contou coa participación do conselleiro de Medio Rural da Xunta de Galicia, José González, e do conselleiro delegado de ABANCA, Francisco Botas
  • Os expertos sinalaron á bioeconomía, a compensación de emisións e a colaboración, tanto dentro do sector forestal como con outros, como os principais eixos de desenvolvemento
  • A entidade financeira presta servizo a 3.000 clientes de toda a cadea de valor do sector forestal
20201215-abanca-forestal-2

De esquerda a dereita, Jesús Combarro, director ABANCA Agro; José Carballo, presidente da Fundación Arume e da patronal española da madeira; Francisco Botas, conselleiro delegado de ABANCA; José González, conselleiro de Medio Rural da Xunta de Galicia; e Sabela Oca, responsable de Innovación, Calidade e Seguridade Alimentaria de CLUN.

Descarga en alta resolución

20201215-abanca-forestal-1

Francisco Botas, conselleiro delegado de ABANCA.

Descarga en alta resolución

15-12-2020
Negocio

ABANCA celebrou esta mañá un evento para clientes do sector forestal no que, a través da participación de diferentes expertos, analizáronse as oportunidades de crecemento e investimento que esta actividade económica ofrece de cara ao futuro. O encontro desenvolveuse en formato videoconferencia e foi seguido por máis de 150 persoas.

A xornada contou coa participación de José González, conselleiro de Medio Rural da Xunta de Galicia; Franciso Botas, conselleiro delegado de ABANCA; Jesús Combarro, director ABANCA Agro; Eduardo Rojas, coordinador da Plataforma Xuntos polos Bosques e decano do Colexio Oficial de Enxeñeiros de Montes; Marta Hernandez, da Oficina Española de Cambio Climático do Ministerio de Transición Ecolóxica; José Carballo, presidente da Fundación Arume e da patronal española da madeira, e Sabela Oca, responsable de Innovación, Calidade e Seguridade Alimentaria de CLUN. A través das súas intervencións, os expertos participantes sinalaron á bioeconomía, a compensación de emisións e a colaboración, tanto no marco da actividade forestal como con outros sectores, como os principais eixos de desenvolvemento do sector para os próximos anos.

Potencial de futuro

Na súa intervención de apertura, o conselleiro delegado de ABANCA, Francisco Botas, destacou a importancia do sector forestal como “unha realidade no presente da estrutura económica de Galicia”, pero sobre todo polo seu “gran potencial de futuro”.

O conselleiro delegado de ABANCA sinalou como posibles vías de avance “a ordenación do monte, a modernización dos sistemas de produción e o incremento da produtividade, logros que nos permitirían xestionar mellor os recursos naturais e xerar máis riqueza”. Francisco Botas fixo un chamamento a aproveitar “as oportunidades derivadas do xiro cara á economía verde, que nos encamiña cara á redución de emisións e o uso de recursos renovables, xusto o que a madeira pode ofrecer”, destacou.

Doutra banda, puxo de manifesto o compromiso de ABANCA co sector. Cun volume de negocio vinculado ao sector forestal superior aos 300 millóns de euros, a entidade presta servizos financeiros a 3.000 clientes (maioritariamente galegos) vinculados ás distintas actividades da cadea de valor do sector, e no que vai de ano concedeu financiamento ao sector por importe de 62,7 millóns de euros, un 36,9% máis que na mesma data de 2019. “Estamos a realizar un importante esforzo para dotar ao sector forestal dos recursos financeiros necesarios para seguir avanzando”, explicou o conselleiro delegado da entidade con sede en Galicia.

O conselleiro delegado da entidade financeira valorou a colaboración de todos integrantes da cadea de valor como “un elemento esencial para que o sector siga crecendo na dirección adecuada”. Francisco Botas situou dentro desa mesma filosofía de colaboración a participación no padroado da Fundación Arume e a planificación de eventos como o de hoxe, co que ABANCA proporciona “un servizo diferencial e de valor aos nosos clientes para que poidan tomar as mellores decisións para a xestión dos seus negocios”.

Desde a área de Sostibilidade de ABANCA están a impulsarse outras iniciativas en coordinación con outras áreas da entidade, como son as bancas sectoriais ABANCA Agro e ABANCA Mar.

Sector prioritario

O conselleiro do Medio Rural, José González, destacou o potencial forestal de Galicia e sinalou que a aposta da Xunta por este sector “é unha prioridade”. Neste sentido, engadiu que se trata de dar un pulo especial á prevención e á recuperación sobre calquera outra planificación, de xeito estratéxico e integral.

Na mesma liña, González salientou o papel protagonista do forestal nas propostas de Galicia dentro dos fondos Next Generation. Son iniciativas que -destacou- “buscan adaptar o noso monte ás novas esixencias, adiantándonos e potenciando a biodiversidade, a bioeconomía, a sustentabilidade e a circularidade”. Indicou ademais que se procura xerar ecosistemas empresariais tecnolóxicos e dixitalizados que, a maiores, permitan crear emprego “poñendo a Galicia como referente europeo”.

En parecidos termos, o conselleiro puxo en valor tamén a revisión do Plan forestal, que se está a ultimar e que, segundo sinalou, “procura revalorizar e mellorar a calidade do noso monte, a súa eficiencia, a súa produtividade, a súa rendibilidade e a súa competitividade”.

Por último, o titular de Medio Rural agradeceu a aposta de Abanca polo forestal en particular e polo agro galego en xeral, que se pon de manifesto, trasladou, pola implicación constante desta institución “tan galega”, sempre presente no sector primario.

Bioeconomía e compensación de CO2

Eduardo Rojas, coordinador da Plataforma Xuntos polos Bosques e decano do Colexio Oficial de Enxeñeiros de Montes, defendeu a bioeconomía e a xestión dos bosques como unha "oportunidade de ouro" para xerar grandes beneficios económicos, ambientais e sociais en retos como a obtención de materias primas e enerxía, o reequilibrio territorial e demográfico, e a loita contra o cambio climático.

Marta Hernández, da Oficina Española de Cambio Climático do Ministerio de Transición Ecolóxica, cifrou en 1.347 o número de organizacións inscritas no rexistro de pegada de carbono, un mecanismo creado para cuantificar, reducir e compensar emisións de CO2. A experta explicou o potencial do sector forestal como ferramenta de compensación de CO2 para as organizacións, xa sexa a través da plantación de bosques propios ou facendo uso de terreos de terceiros.

José Carballo, presidente de Arume, referiuse á fundación como a “ventanilla" para que as empresas, sobre todo as galegas, canalicen os seus investimentos para compensar as súas emisións de CO2, e apostou por converter a Galicia na primeira rexión europea descarbonizada, o que reforzaría o seu potencial para acoller proxectos industriais tractores.

Por parte, Sabela Oca, responsable de Innovación, Calidade e Seguridade Alimentaria de Cooperativas Lácteas Unidas (CLUN), presentou o proxecto de colaboración entre os sectores agroalimentario e forestal a través do cal CLUN iniciou unha actuación de compensación das emisións procedentes da súa actividade industrial en alianza coa Fundación Arume.

Compartir en

Outras noticias relacionadas:

Nace ABANCA Energy para apoiar a empresas e familias no proceso de transición enerxética

01-06-2023
Negocio Sostenibilidad

ABANCA creou a unidade co obxectivo de impulsar o desenvolvemento de proxectos enerxéticos promovendo o proceso de abandono das enerxías baseadas nos combustibles fósiles e a súa substitución por novas fontes sostibles.

20220621-abanca-4

Bankoa ABANCA e BilbaoCentro unen forzas para dinamizar o comercio e a hostalería local

11-05-2023
Negocio

O banco e a agrupación que representa ao comercio, a hostalería e as empresas de servizos situadas no distrito bilbaíno de Abando, elaboran un catálogo cunha oferta específica para o sector.

20230510-abanca-bilbaocentro

Elementos da mediateca relacionados:

Xornada divulgativa ABANCA PERTE agroalimentario

16.06.2022. O evento abordou as oportunidades ofrecidas polo programa de axudas Next Generation para impulsar a modernización, ...

Inauguración da exposición ‘A arte de comezar e a arte de rematar’

12.04.2022. A mostra reúne 50 obras da Colección ABANCA de artistas de relevancia internacional como Kandinsky, Picasso, ...

Presentación do novo modelo e primeiros produtos generales propios de ABANCA Seguros

19.05.2021. ABANCA presenta o novo modelo de relación omnicanal co cliente de ABANCA Seguros e os primeiros productos xerais ...

Inauguración oficina de empresas de ABANCA en Vigo

O vicepresidente, o conselleiro delegado e o director territorial de Vigo interveñen na inauguración da oficina de empresas.

Oficina de empresas de ABANCA en Vigo

ABANCA optimiza as oficinas de empresas con máis especialización, tecnoloxía e atención

Oficina de empresas de ABANCA en Vigo

ABANCA optimiza as oficinas de empresas con máis especialización, tecnoloxía e atención

Presentación do novo modelo e primeiros seguros xerais propios de ABANCA Seguros

Declaracións do director xeral de ABANCA Seguros, Álvaro García Diéguez, durante a presentación do novo modelo de atención ...

Presentación do novo modelo e primeiros seguros xerais propios de ABANCA Seguros

Declaracións da directora comercial de ABANCA Seguros, Sonia Lucio Velez, durante a presentación do novo modelo de atención ...

Presentación do novo modelo e primeiros seguros xerais propios de ABANCA Seguros

Declaracións do director xeral de ABANCA Seguros, Álvaro García Diéguez, durante a presentación do novo modelo de atención ...

Presentación Campaña Copiloto ABANCA Seguros

Presentación Campaña Copiloto ABANCA Seguros

20191022 Presentación ABANCA Seguros

20191022 Presentación ABANCA Seguros

Presentación ABANCA alianza seguros xerais

Presentación ABANCA alianza seguros xerais

  • Contacto
  • abanca.com
  • Sobre ABANCA

    • Esta web
    • Información corporativa
    • Información investidores
    • Banesco Internacional
    • Atención ao cliente
  • Aspectos legais e de seguridade

    • Política de privacidade
    • Somos accesíbeis
    • Política de cookies
    • Aviso legal
    • Taboleiro de anuncios
    • Outra información
  • Máis webs da rede ABANCA

    • Banca electrónica
    • Banca electrónica para empresas
    • Mercar entradas
    • Escogecasa
    • Bróker online
    • NX
    • Cuentas Claras: Blog ABANCA
  • Produtos

    • Contas e aforro
    • Tarxetas
    • Hipotecas
    • Créditos
    • Seguros
    • Plans de pensións
    • Todos os produtos para particulares
    • Necesitas axuda?
    • Todos os produtos para empresas
© 2023 ABANCA Corporación Bancaria, S.A. Todos os dereitos reservados.

Co obxectivo de prestarche un mellor servizo, esta web emprega cookies. Grazas a elas sabemos, por exemplo, qué uso fixeches da web. Podes desactivalas nas preferencias do teu navegador e ampliar máis información verbo da nosa política de uso de cookies.

@somosABANCA · abanca.com · 981 18 80 22 · 986 82 80 70 · comunicacion@abanca.com

Co obxectivo de prestarche un mellor servizo, esta web emprega cookies. Grazas a elas sabemos, por exemplo, qué uso fixeches da web. Podes desactivalas nas preferencias do teu navegador e ampliar máis información verbo da nosa política de uso de cookies.