S&P eleva un chanzo o rating de viabilidade financeira de ABANCA

03-12-2015

A axencia de cualificación Standard & Poor’s mellorou o rating de viabilidade de ABANCA Corporación Bancaria, S.A. (“ABANCA”) elevándoo nun chanzo, de b a b+. O rating de viabilidade plasma a fortaleza financeira intrínseca da entidade tomando como base catro factores clave: a posición do negocio, o capital e beneficios, a posición de risco, e o financiamento e liquidez.

A axencia S&P afirmou o rating emisor a longo e curto prazo de ABANCA en B+ e B respectivamente, mantendo a súa perspectiva estable.

A cualificación de Standard & Poor’s é resultado do proceso de revisión xeral dos ratings das entidades financeiras realizado pola axencia pola retirada do soporte soberano con motivo da entrada en vigor do MUR, o Mecanismo Europeo de Resolución de entidades de crédito.

Outras cualificacións

Esta mellora na cualificación de ABANCA únese aos últimos informes de DBRS, que elevou un chanzo o rating de fortaleza financeira e confirmou o rating emisor a longo prazo de ABANCA en BBB (low) e o rating a curto prazo en R-2 (middle), situando ambas as cualificacións con perspectiva estable, e de Fitch, que elevou en dous chanzos, desde bb- a bb+, o rating de viabilidade da entidade e situou a perspectiva en estable.