ABANCA abre nova etapa en Portugal para crecer nos segmentos de private banking e empresas
- A entidade finaliza con éxito a integración de Deutsche Bank PCB Portugal, cuxos clientes xa reciben servizo a través da plataforma ABANCA
- A operación preserva as fortalezas do negocio adquirido e potencia as súas capacidades operativas e de negocio mediante a aplicación do modelo ABANCA
- ABANCA xestiona en Portugal un negocio de 7.363 millóns de euros (máis de 82.000 no conxunto de España e Portugal) e presta servizo a case 79.000 clientes entre particulares e empresas
- O banco está presente en 16 dos 20 distritos portugueses a través dunha rede de 70 puntos de venda
- ABANCA é a primeira entidade financeira en advisory banking en Portugal e sitúase entre o dez primeiras por recursos de clientes e crédito
De esquerda a dereita, Francisco Botas, conselleiro delegado de ABANCA, Juan Carlos Escotet Rodríguez, presidente de ABANCA, e Pedro Pimenta, country head de ABANCA en Portugal.
De esquerda a dereita Francisco Botas, Juan Carlos Escotet Rodríguez e Pedro Pimenta, durante a rolda de prensa de presentación de ABANCA en Portugal.
De esquerda a dereita, Francisco Botas, conselleiro delegado de ABANCA, Juan Carlos Escotet Rodríguez, presidente de ABANCA, e Pedro Pimenta, country head de ABANCA en Portugal.
Imaxe exterior dun dos puntos de venda de ABANCA en Portugal (Amoreiras, Lisboa).
Descarga los contenidos anexos
ABANCA deu un importante salto en volume de negocio e implantación no mercado portugués tras a finalización da integración de Deutsche Bank PCB Portugal, entidade cuxa adquisición anunciouse en marzo de 2018.
Unha vez completado o proceso durante este fin de semana, con total normalidade e sen impacto sobre o servizo aos clientes, o banco abre unha nova etapa no mercado portugués. ABANCA conservará as fortalezas do negocio adquirido, como o seu posicionamento e prestixio no segmento private banking, e potenciará as súas capacidades operativas e de negocio en áreas como a banca de empresas, os seguros ou a banca dixital.
Negocio de calidade
Tras a integración, ABANCA xestiona en Portugal un volume de negocio de 7.363 millóns de euros (máis de 82.000 no conxunto de España e Portugal): 4.065 millóns de euros en recursos de clientes e 3.298 millóns de euros en crédito. Estas cifras sitúan a ABANCA como décima entidade financeira do mercado portugués tanto por recursos de clientes como por crédito. ABANCA é ademais a primeira entidade en advisory banking. A entidade presta servizo a case 79.000 clientes (particulares e empresas) a través dunha rede comercial formada por 70 puntos de venda nas principais localidades e centros económicos de Portugal.
En Portugal ABANCA conta cun equipo local formado por aproximadamente 500 profesionais de gran experiencia no segmento de clientes de alto valor. A xestión do negocio e a toma de decisións desenvolverase desde Portugal a través dunha estrutura de órganos de goberno autónoma dentro do grupo ABANCA.
Proceso de integración
Todos os clientes reciben xa servizo desde a plataforma ABANCA en condicións de plena normalidade. A integración, que se desenvolveu sen impacto para eles, alcanza ao 100% das aplicacións, servizos e centros. Mediante a medición de 1.109 parámetros verificouse unha calidade do 100% no traspaso da información. Por parte de ABANCA o proceso foi executado por un equipo de 430 profesionais, que en conxunto investiron un total de 290.000 horas de traballo. Todos os puntos de venda e sedes corporativas mostran xa a marca ABANCA, que foi implantada en 2.500 soportes corporativos por un equipo de 100 persoas durante o fin de semana.
A integración conserva as fortalezas dun negocio diferenciador no mercado portugués, especialmente no segmento investimento. Os seus principais atributos neste campo son a súa posición de liderado na comercialización de fondos internacionais (cunha cota de mercado do 35%), a arquitectura aberta con acceso a 856 produtos das principais xestoras e os seus acordos con entidades de primeiro nivel mundial.
Grazas á súa incorporación ao grupo ABANCA, os clientes, tanto particulares como empresas, benefícianse xa de importantes vantaxes, como o impulso ao financiamento dos seus proxectos, un amplo catálogo de produtos financeiros e de seguros, novas capacidades de operatoria dixital, atención por equipos especializados, etc.
ABANCA en Portugal
ABANCA confire a Portugal especial importancia nos seus plans a longo prazo polo seu papel esencial dentro do mercado ibérico e a súa interrelación económica con España, así como polo seu valor no ámbito das mellores prácticas en banca privada e o seu carácter de referencia para o crecemento en España.
A entidade, que dispón dunha experiencia previa de 19 anos no mercado portugués, fixouse como obxectivo para 2021 alcanzar un volume de negocio de 9.400 millóns e situarse como un dos bancos de referencia no país.
Para iso apoiarase nun modelo innovador e diferencial de éxito probado. As súas características principais son o coñecemento das necesidades do cliente, a combinación de atención persoal e banca a distancia (on-line e telefónica), o servizo a través de unidades especializadas, a sinxeleza e transparencia na contratación e xestión de produtos e servizos, e a orientación internacional, entre outras. Os públicos aos que se ABANCA dirixirá en Portugal son as empresas, en especial as que operan tamén en España, e os particulares do segmento private banking.