ABANCA achégase aos desafíos das confrarías do sur da Coruña cunha resposta integral
- A entidade financeira intensifica o traballo co sector para abordar as novas necesidades das confrarías e dar continuidade ao diálogo que mantén co colectivo
- Tras unha sesión de traballo a distancia, o banco e 17 pósitos renovan un convenio de colaboración marcado polas fórmulas adaptables de crédito
- A unidade especializada ABANCA Mar configúrase como unha resposta a medida para o sector, grazas ao seu amplo catálogo de produtos e a experiencia dos seus xestores
Instante da reunión telemática celebrada coas confrarías do sur da Coruña.
Instante da reunión telemática celebrada coas confrarías do sur da Coruña.
ABANCA avanza no seu compromiso co mundo do mar e aborda os desafíos das principais confrarías do sur da provincia da Coruña. A entidade financeira celebrou un acto telemático no que reuniu ás principais confrarías das rías de Arousa e Muros-Noia e da Costa da Morte para coñecer as súas necesidades e planificar respostas comúns ante a situación que están atravesando. Nesta ocasión, o banco achegouse ás necesidades dos pósitos de Fisterra, Lira, Noia, Palmeira, O Pindo, A Pobra, Rianxo, Porto do Son, Portosín, Ribeira, Corcubión, Aguiño, Cabo de Cruz e Muros.
O director territorial de ABANCA en Santiago, Juan Carlos Carneiro, e o director de ABANCA Mar, Javier Fraga, foron os representantes da entidade financeira nunha reunión non presencial na que tamén participaron o coordinador de Institucional da Coruña, José Manuel Vilariño, así como outros xestores das zonas de influenza e da unidade especializada ABANCA Mar. Por parte das confrarías, tomaron partido os patróns maiores e outros representantes destas agrupacións.
A reunión enmárcase dentro do ciclo de contactos que o banco puxo en marcha a principios de ano con axentes relevantes do sector. Grazas a estas reunións periódicas, ABANCA anticipouse aos problemas do mundo do mar e traza respostas a medida para un colectivo moi sensible á situación sanitaria que estamos a vivir e aos seus efectos na economía. Ademais, permite aos patróns maiores asistentes trasladar as súas inquedanzas de primeira man sobre os plans do sector para reivindicar liñas de mellora.
Un texto para facer fronte aos desafíos
Pero o foro convocado por ABANCA non só serviu para avanzar no traballo común de atopar solucións, senón que tamén permitiu renovar os convenios de colaboración que o banco mantén con estas confrarías. A firma, que nesta ocasión foi tamén non presencial, permite aos integrantes dos pósitos acceder desde este momento a unha oferta á medida das súas necesidades, con novos produtos e condicións vantaxosas.
Co desafío da COVID-19, o catálogo destaca polas alternativas adaptadas para o financiamento de circulante, préstamos para facer fronte á baixada da demanda ou paros polo efecto COVID, anticipos de subvencións de FEMP ou para facer frone aos paros biolóxicos ou pago de impostos, así como contas de crédito para financiar as ventas na campaña do Nadal. Tamén financiamento de investimentos con melloras en condicións cando se demostren sostibles, leasing mobiliario, avais ou seguros, entre outros produtos.
Con el desafío de la COVID-19, el catálogo destaca por las alternativas adaptadas para la financiación de circulante, préstamos para hacer frente a la bajada de la demanda o paros por efecto COVID, anticipos de subvenciones de FEMP o para hacer frente a paros biológicos o pago de impuestos, así como cuentas de crédito para financiar las ventas en campaña de Navidad. También financiación de inversiones con mejoras en condiciones cuando se demuestran sostenibles, leasing mobiliario, avales o seguros, entre otros productos.
Pero os novos convenios tamén abordan cuestións de fondo do sector, que estaban en marcha desde hai algúns anos. Trátase da renovación da frota pesqueira e a mellora da sostibilidade. Para estas realidades, a unidade especializada ABANCA Mar dispón de produtos específicos como hipotecas navais ou préstamos a tipo fixo para apoiar ao sector nos procesos de construción de novas embarcacións, remodelación ou segunda adquisición de barcos.