ABANCA apoia o proxecto da start-up tecnolóxica galega TokApp para acelerar o seu crecemento

  • A iniciativa enmárcase no programa de aceleración ABANCA Innova, que ten como obxectivo o desenvolvemento das novas tecnoloxías en Galicia
  • TokApp desenvolveu unha plataforma de mensaxería directa para empresas, institucións e asociacións que utilizan máis de 500.000 usuarios

O apoio de ABANCA a TokApp canalízase a través do programa de aceleración ABANCA Innova, creado para impulsar o desenvolvemento das novas tecnoloxías en Galicia.

Descarga en alta resolución Serás redirixido a outro sitio web e abrirase nunha nova ventá

ABANCA entrou a formar parte do proxecto da start-up tecnolóxica galega TokApp co obxectivo de acelerar a súa estratexia de negocio e crecemento. O apoio da entidade financeira galega a esta empresa emerxente, que desenvolveu unha potente plataforma de mensaxería directa entre persoas e institucións, canalízase a través do programa de aceleración ABANCA InnovaSerás redirixido a outro sitio web, creado para impulsar o desenvolvemento das novas tecnoloxías en Galicia.

O banco achega financiamento a TokApp a través dun préstamo participativo convertible, de acordo á modalidade de investimento de ABANCA Invest. Esta operación de financiamento faise efectiva tras varios meses de traballo conxunto entre ambas as partes no ámbito da innovación, un labor que permitiu identificar potenciais sinerxias para dar servizo e ofrecer solucións aos clientes e usuarios de TokApp. ABANCA seguirá acompañando este proxecto empresarial durante a súa etapa de crecemento e valorará novas vías de apoio a medio prazo.

ABANCA Innova

A entrada de ABANCA nesta iniciativa empresarial enmárcase na estratexia da entidade de apoio ao tecido produtivo e á innovación en Galicia, desenvolvida fundamentalmente a través do programa de aceleración de empresas tecnolóxicas ABANCA Innova. O banco comprometeu neste programa 10 millóns de euros para financiar o desenvolvemento de proxectos de base tecnolóxica e empresas emerxentes con potencial de crecemento, nados ou radicados en Galicia.

TokApp é unha start-up galega creada en 2013 que desenvolveu unha potente e eficaz plataforma de mensaxería instantánea para que as empresas, institucións e asociacións teñan unha comunicación directa con todos os seus integrantes. A aplicación, que conta actualmente con máis de 500.000 usuarios e está presente en 10 países, permite o envío de mensaxes ilimitadas (sen tope de caracteres nin de arquivos), coas funcionalidades de confirmación de lectura, rápida posta en marcha (o servizo ponse en funcionamento en cuestión de minutos), acceso desde calquera dispositivo con acceso a internet, e seguridade (máxima privacidade dos datos).

Unha das solucións de TokApp máis estendidas é TokApp SchoolSerás redirixido a outro sitio web, unha aplicación que posibilita a comunicación de profesores e centros educativos con pais e alumnos mediante mensaxería instantánea ilimitada, o que permite aforrar tempo e diñeiro ao prescindir das cartas e circulares. Así mesmo, esta app tamén preserva os datos persoais de pais, alumnos e profesores, polo que non é necesario revelar o número de teléfono para rexistrarse.