ABANCA comprométese coa industria do deporte en Asturias
- A entidade financeira asina un convenio de colaboración co Clúster Asturiano de la Industria del Deporte, recentemente lanzado, para ofrecer solucións a medida
- Os asociados terán acceso a condicións vantaxosas á hora de contratar produtos e servizos do banco, pensados para toda a cadea de valor do mundo do deporte asturiano
O director de zona de ABANCA en Asturias e Cantabria, Ramón González (á esquerda), firma o convenio co presidente do clúster, Eladio Domínguez (no centro).
Descarga en alta resolución Serás redirixido a outro sitio web e abrirase nunha nova ventá
ABANCA e o Clúster Asturiano de la Industria del Deporte están a elaborar unha folla de ruta para afrontar retos comúns. Fano a través dunha oferta financeira á medida, que se materializou nun convenio de colaboración asinado esta mañá na oficina principal do banco en Oviedo. O director de zona de ABANCA en Asturias e Cantabria, Ramón González, e o presidente do clúster, Eladio Domínguez, foron os encargados da posta en marcha deste acordo.
Con este novo texto, as dúas entidades apostan polo mundo do deporte. ABANCA convértese na primeira entidade financeira en colaborar co clúster e ofrece, desde este momento, un completo catálogo de produtos e servizos adaptados ao colectivo.
A oferta financeira detalla unha ampla gama de solucións comprometidas coas súas necesidades máis comúns. Entre elas, inclúense préstamos persoais e hipotecarios, pólizas de crédito, leasing mobiliarioe e inmobiliario ou avais. Ademais, ABANCA reforza o seu compromiso con este colectivo mediante a activación de liñas de financiamento oficiais con organismos públicos como o ICO.
Toda a cadea de valor do mundo do deporte que forma parte do Clúster Asturiano de la Industria del Deporte tamén poderán beneficiarse de condicións especiais á hora de adquirir outros produtos como tarxetas de crédito, xestión delegada de carteiras (GDC) ou terminais de punto de venda (TPV), tanto físicos como virtuais.
Solucións para o futuro
Pero o acordo tamén inclúe propostas para xestionar un dos principais retos aos que se enfrontan os profesionais do deporte: o seu futuro logo da retirada. Para iso, o banco pon a disposición deste colectivoun produto especialmente deseñado para eles: o novo plan ABANCA Emprendedores e Profesionais, o primeiro plan de pensións simplificado do banco para traballadores autónomos. Trátase dunha solución sinxela e flexible pensada para complementar o sistema colectivo de xubilación e xerar así un maior aforro que os plans individuais.
Esta proposta engádese ao servizo Jubilo, unha solución que ofrece asesoramento sobre as diferentes opcións que teñen para abordar a xubilación.