ABANCA e as confrarías do sur da Coruña renovan a súa colaboración e trazan novas liñas de traballo conxunto
- ABANCA renova a súa colaboración, como cada ano, cos principais pósitos do sur da provincia da Coruña
- A entidade e as confrarías fan fincapé no relevo xeracional, a sostibilidade, a renovación da frota e o financiamento para situacións de baixa produción
- Durante a reunión, o banco fixo balance de PLANCTON, unha iniciativa coa que se realizaron 64 accións de limpeza desde o seu inicio, moitas delas no sur da provincia coruñesa
Os representantes de ABANCA e das confrarías do sur da Coruña durante a firma dos convenios.
Descarga en alta resolución Serás redirixido a outro sitio web e abrirase nunha nova ventá
ABANCA continúa avanzando no seu compromiso co sector pesqueiro. Nesta ocasión, a través da renovación dos acordos de colaboración que mantén coas 17 confrarías de pescadores do sur de la provincia da Coruña. A través destes convenios, a entidade financeira ofrece aos pósitos unha proposta creada a medida para facer fronte aos grandes retos aos que se enfrontan.
Os acordos foron asinados en Santiago nun encontro conducido polo director territorial de ABANCA, Óscar Salgado, e o director de ABANCA Mar, Javier Fraga, que destacaron o apoio do banco ao colectivo nos últimos anos e trazaron coas confrarías as liñas de traballo conxunto de cara ao futuro.
Durante a reunión, ambas partes fixeron balance da situación actual do sector do mar e abordaron os grandes retos aos que se enfronta, como a necesidade de renovación da frota, a falta de relevo xeracional, a aposta pola sostibilidade ou as situacións de baixa produtividade e mortandade que complican ou impiden as capturas. O banco comprometeuse, un ano máis, a ofrecer solucións áxiles ante estes desafíos e a manter un contacto fluido para afrontar novos retos que se presenten a maiores.
Financiamiento e outras solucións adaptadas
A través dos convenios firmados, ABANCA ofrece un catálogo de produtos e servizos creados para facer fronte ás necesidades do colectivo. Un dos puntos clave dos acordos é o financiamento, xa que a entidade financeira ofrece opcións para afrontar a caída das vendas e para facer fronte ás necesidades máis operativas do día a día, como o incremento dos custos ou a superación das dificultades derivadas das pesquerías e o marisqueo.
A maiores, os textos recollen unha serie de solucións adaptadas para retos transversais, como a sostibilidade, que gana especial importancia no acordo. A través da hipoteca naval, as confrarías poderán afrontar a substitución de embarcacións por outras máis eficientes, respectuosas co medio ambiente e máis seguras para traballar.
O encontro serviu tamén para facer balance da iniciativa PLANCTON, impulsada a través da Obra Social ABANCA, Afundación. Trátase dun plan multidisciplinar lanzado no ano 2021 e co que o banco avanzou no seu compromiso coa conservación dos entornos mariños e as actividades que neles se realizan. Desde o seus inicios, PLANCTON levou a cabo un total de 64 accións de limpeza e eliminación de flora invasora en diferentes zonas de costa de Galicia, dúas das máis recentes na illa de Sálvora e no Parque Natural das Dunas de Corrubedo.