ABANCA e HioPOS Galicia informan os negocios sobre como adaptarse ao novo sistema de facturación electrónica
- O banco e a empresa tecnolóxica organizan na Coruña unha xornada informativa para apoiar ao pequeno comercio e empresas hostaleiras na implantación dos novos procesos de emisión e verificación de facturas
- A entidade financeira ofrece solucións innovadoras que integran nun único dispositivo os pagos e a nova normativa fiscal
Un momento da xornada informativa para negocios celebrada onte no Espacio Avenida.
Descarga en alta resolución Serás redirixido a outro sitio web e abrirase nunha nova ventá
Mesa redonda entre negocios e representantes de ABANCA e de HioPOS sobre os novos sistemas de facturación e solucións de medios de pago.
Descarga en alta resolución Serás redirixido a outro sitio web e abrirase nunha nova ventá
ABANCA e HioPOS Galicia, compañía tecnolóxica dedicada ao software de xestión, organizaron hoxe no Espazo Avenida da Coruña unha xornada informativa para apoiar ao pequeno comercio e ao sector hostaleiro na implantación da facturación electrónica e a nova normativa de verificación de facturas Verifactu, que será obrigatoria para gran parte do tecido empresarial en España a partir de 2026.
O evento, promovido en colaboración coas asociacións e organizacións locais de comerciantes e hostaleiros, incluíu sesións específicas para cada segmento, nas que se analizaron as súas particularidades á hora de afrontar esta necesaria adaptación fiscal e tecnolóxica.
Esta xornada informativa abriuse, en cada unha das sesións, cun relatorio inicial sobre a implantación de Verifactu e a factura electrónica, a cargo de Silvia Caamaño Sánchez, avogada especialista en IVE e facturación de Garrigues. A continuación, Luis Soto, CEO de HioPOS Galicia, presentou as solucións dixitais que, conxuntamente con ABANCA, poñen ao dispor dos negocios e que facilitan a súa adecuación aos novos sistemas de facturación.
Ambos os encontros contaron tamén cunha mesa redonda na que participaron profesionais de cada sector, ademais de representantes de ABANCA e de HioPOS Galicia, que resolveron dúbidas sobre as implicacións deste importante cambio normativo.
A axenda do acto pechouse coa intervención da directora de Desenvolvemento de Negocio e Modelo Comercial de Medios de Pago de ABANCA, Constanza Méndez Epelde, quen detallou a oferta innovadora en medios de pago dixital para negocios e os beneficios que achega aos establecementos, xa que lles permite acceder a solucións áxiles, seguras, de fácil uso e vangardistas no mercado, á altura das grandes superficies.
Facturación integrada no TPV
Entre os servizos máis novos e diferenciados de ABANCA para os segmentos de pemes e autónomos destacan o Terminais Punto de Venda (TPV) integrados na xestión do negocio. Son dispositivos moi versátiles, os cales, grazas a unha alianza con HioPOS, ademais de funcionar como terminais de pago poden incorporar funcionalidades adicionais. Entre elas, poden integrar os procesos de facturación electrónica requiridos na nova normativa fiscal e conectar directamente co sistema Verifactu da Axencia Tributaria. Deste xeito, mediante o propio TPV os negocios poden adaptarse facilmente a este cambio tecnolóxico e cumprir as súas obrigacións como contribuíntes con todas as garantías. Ademais, o dispositivo pode utilizarse tamén como comandera para realizar pedidos, dividir contas, manexar propinas, xestionar reservas e controlar inventarios, entre outras funcións.
ABANCA posicionouse como unha das entidades financeiras máis destacadas no desenvolvemento tecnolóxico, de innovación e de transformación dixital en medios de pago, cun claro enfoque cara ao cliente. O banco conta cunha oferta moi diversificada de produtos e solucións de pago innovadoras, sinxelas, seguras e adaptadas ás necesidades de cada perfil. Ademais, a entidade tamén pon ao dispor das administracións públicas as súas capacidades e dilatada experiencia como soporte tecnolóxico para o pago dixital de servizos relacionados coa mobilidade (tarxetas de transporte), a promoción económica (bonos comercio) ou a recadación de tributos (pago electrónico de impostos da AEAT mediante Bizum ou tarxeta).