ABANCA facilita a empresas, microempresas e autónomos o acceso ás axudas Kit Dixital

16-03-2022

ABANCA pon a disposición dos seus clientes diferentes solucións financeiras para beneficiarse do programa de axudas públicas Kit Dixital, dotado con fondos europeos Next Generation EU e orientado a impulsar a dixitalización do tecido produtivo. A entidade deseñou unha oferta específica en condicións moi axustadas para a primeira convocatoria destas axudas, que vai dirixida a empresas e microempresas de entre 10 e 49 empregados e autónomos, ten unha dotación de 500 millóns de euros e estará vixente entre o 15 de marzo e o 15 de setembro de 2022 (ou ata que se esgoten os fondos).

Financiamento e anticipo de axudas

ABANCA ofrece aos seus clientes dous tipos de solucións financeiras. Por unha banda, préstamos a tipo fixo ou variable para financiar a realización de proxectos de dixitalización. O máximo a financiar é o importe do proxecto, descontando o bono dixital, isto é, a axuda concedida. O programa Kit Dixital establece os seguintes destinos para as axudas: presenza en internet, comercio electrónico, redes sociais, xestión de clientes, business intelligence e analítica, xestión de procesos, factura electrónica, servizos e ferramentas de oficina virtual, seguridade nas comunicacións e ciberseguridad.

Se o beneficiario da axuda necesita apoio na tramitación, ABANCA pon á súa disposición un servizo específico, en colaboración con Minsait, que cobre cuestións como asesoramento, test de madurez dixital da empresa, información sobre solucións dixitais e requisitos, tramitación de solicitudes, resolución de dúbidas e seguimento até a resolución da solicitude.

Doutra banda, ABANCA proximamente anticipará o bono dixital aos axentes digitalizadores. Estes axentes son as empresas, rexistradas ante a administración, que actúan como provedores das solucións e servizos tecnolóxicos dixitais para as empresas, microempresas e autónomos.

Outras accións de apoio

Con esta nova iniciativa, o banco segue ampliando o plan de apoio aos seus clientes para acceder ás axudas Next Generation. ABANCA conta con diferentes fórmulas de financiamento que complementan o importe das axudas (para usos como a adquisición de vehículos ecolóxicos e puntos de recarga, a execución de instalacións de autoconsumo e almacenamento de enerxías renovables e a rehabilitación enerxética de edificios, entre outros), así como financiamento anticipado para facer viable cada unha das fases dos proxectos.

Ademais, ABANCA pon á súa disposición un servizo de procura e xestión de axudas en colaboración con Minsait (https://abanca-ayudaspublicas.minsait.comSerás redirixido a outro sitio web) e un servizo de asesoramento para proxectos de especial complexidade, envergadura ou requirimentos de investimento en alianza con Analistas Financieros Internacionales (Afi). Adicionalmente, o banco está a desenvolver diferentes accións divulgativas dirixidas aos potenciais destinatarios.