ABANCA lanza a 11ª edición do seu Programa para Startups
- As candidaturas deben presentarse entre hoxe e o 07 de novembre a través da web de ABANCA Innova
- A convocatoria está aberta para startups con ideas innovadoras nos sectores de fintech, insurtech, regtech, ciberseguridade e sustentabilidade con potencial para transformar o sector financeiro
11ª edición do Programa para Startups ABANCA Innova
Descarga en alta resolución Serás redirixido a outro sitio web e abrirase nunha nova ventá
ABANCA inicia hoxe o prazo de inscrición para participar na undécima edición do Programa para Startups de ABANCA Innova. Todas as startups interesadas en participar nesta convocatoria poderán inscribirse, ata o vindeiro 07 de novembro, a través da páxina web de ABANCA Innova.Serás redirixido a outro sitio web
Esta edición pon o foco en propostas vinculadas a sectores como fintech, insurtech, regtech, sustentabilidade e ciberseguridade, aínda que tamén se valorarán proxectos relacionados con outras tecnoloxías capaces de xerar impacto na industria financeira. Para ser seleccionadas, as startups deben contar cun produto no mercado, aínda que sexa en etapas temperás, e dispor dun equipo formado con capacidade para levalo adiante e adaptalo a contornas reais de proba.
Oportunidades para innovar
Nesta edición, formúlanse oportunidades clave para innovar en ámbitos como a mellora da experiencia do cliente mediante intelixencia artificial, o desenvolvemento de solucións que integren a xestión do feedback para resolver incidencias e personalizar servizos, iniciativas sustentables que reduzan a pegada ambiental ou propostas que fomenten o uso ético e seguro da IA a través de formación e contornas de proba controladas. O programa tamén está aberto a outras propostas que, aínda que non encaixen directamente nestes desafíos, poidan contribuír a transformar o sector, aumentar a eficiencia, fortalecer a xestión de riscos ou promover unha economía máis sustentable e fiable. Desenvolvemento do programa
As startups seleccionadas participarán nun primeiro obradoiro que se levará a cabo no mes de novembro, onde traballarán xunto a equipos internos de ABANCA na exploración de posibles casos de uso. A continuación, aquelas que superen esta etapa, pasarán á fase de bootcamp —do 25 de novembro ao 16 de decembro— onde se definirá en detalle o piloto, se estudarán os custos asociados e se analizarán as necesidades técnicas para a implementación dunha proba de concepto. Os proxectos que resulten viables poderán desenvolver unha PoC (proba de concepto) real xunto ás unidades de negocio da entidade.
Un programa consolidado como un referente no sector emprendedor
O Programa para Startups de ABANCA Innova alcanza a súa undécima edición tras consolidarse como unha das principais iniciativas de innovación aberta do noroeste peninsular. Desde a súa posta en marcha, aplicaron ao programa 554 startups, o que o consolida como un referente no noroeste peninsular. Delas, 268 propostas foron analizadas por directivos de ABANCA, obtendo como resultado 24 probas de concepto (PoC). Na edición anterior, seleccionáronse proxectos como Salescaling, GPT Advisor e Galtea, que actualmente están a desenvolver as súas respectivas probas de concepto con ABANCA.
Ademais do acompañamento por parte de profesionais de distintas áreas do banco e da colaboración de HubIN, compañía especializada en innovación e emprendemento, o programa ofrece acceso aos espazos de coworking de ABANCA Innova e a posibilidade de participar en actividades de investimento dentro do ecosistema emprendedor nacional.