ABANCA lanza a 12ª edición do seu Programa para Startups
- As candidaturas poden presentarse ata o 12 de maio a través da web de ABANCA Innova
- A convocatoria diríxese a startups con ideas innovadoras en intelixencia artificial, criptomoedas e procesos de tokenización con potencial para transformar o sector financeiro
12ª edición do Programa para Startups de ABANCA Innova
Descarga en alta resolución Serás redirixido a outro sitio web e abrirase nunha nova ventá
ABANCA acaba de abrir o prazo de inscrición para participar na duodécima edición do Programa para Startups de ABANCA Innova. Todas as startups interesadas en postularse a esta convocatoria teñen de prazo ata o próximo 12 de maio para presentar a súa candidatura a través da web de ABANCA InnovaSerás redirixido a outro sitio web.
De acordo coas bases, as startups candidatas deben contar cunha sociedade constituída e un produto no mercado, aínda que sexa en etapas temperás. Ademais, deben dispoñer dun equipo formado con capacidade para escalar e facer crecer o seu proxecto, e adaptalo a contornas reais de proba.
Nesta nova convocatoria, o programa de Venture ClientSerás redirixido a outro sitio web de ABANCA Innova pon o foco en propostas tecnolóxicas que incorporen as últimas tendencias en intelixencia artificial, criptomoedas e procesos de tokenización, con potencial para transformar o sector financeiro. En concreto, abre oportunidades para innovar, a través de formación e contornas de proba controladas, en ámbitos como a xestión de riscos e compliance, marketing, procesos de tecnoloxía, mellora de eficiencia, ciberseguridade e sostibilidade. No entanto, tamén se valorarán solucións que, aínda que non encaixen directamente con estes desafíos, poidan xerar impacto na industria bancaria.
Proba de concepto
As startups seleccionadas participarán nun workshop, xa durante o mes de maio, onde traballarán xunto a equipos internos de ABANCA na exploración de posibles casos de uso das súas propostas. Posteriormente, aquelas que superen esta etapa inicial pasarán á fase de bootcamp -do 26 de maio ao 16 de xuño-, onde se definirá en detalle o piloto, estudaranse os custos asociados e analizaranse as necesidades técnicas para a implementación dunha proba de concepto (PoC, polas súas siglas en inglés) co banco.
Os proxectos que resulten viables poderán testar a súa achega de valor de forma rápida e a baixo custo mediante esta proba de concepto, que se desenvolverá nunha contorna real e controlada xunto a unidades de negocio de ABANCA.
Un milleiro de propostas para un programa consolidado
O Programa para Startups de ABANCA Innova chega á súa duodécima edición tras consolidarse como unha das principais iniciativas de innovación aberta do noroeste peninsular. Desde a súa posta en marcha, aplicaron a este programa de Venture Client un total de 986 startups. Delas, 443 propostas foron analizadas por directivos e profesionais de ABANCA, obtendo como resultado 25 probas de concepto co banco.
Alén do acompañamento por parte de profesionais de distintas áreas do banco e da colaboración de HubIN, compañía especializada en innovación e emprendemento, o programa ofrece acceso aos espazos de coworking de ABANCA Innova na Coruña e Vigo, así como a posibilidade de participar en eventos e actividades de investimento dentro do ecosistema nacional de emprendemento.