ABANCA mobililiza 425 millóns en financiamento para as empresas da área de influencia da Coruña
- O banco comprométese coa viabilidade dos proxectos das empresas situadas nos polígonos da Grela, Alvedro/Culleredo, Bergondo, Carballo, Espíritu Santo, Pocomaco e Sabón
- Reforzar a competitividade, implantar procesos máis eficientes, crear novas liñas de negocio ou avanzar en materia de sostibilidade son algúns dos destinos desta liña
No centro da imaxe, o director territorial de ABANCA na Coruña, Óscar Salgado, xunto aos responsables das áreas industriais e outros representantes da entidade financiera.
Descarga en alta resolución Serás redirixido a outro sitio web e abrirase nunha nova ventá
ABANCA dá un impulso aos proxectos de centos de empresas situadas nos principais polígonos de innovación e desenvolvemento da Coruña e a súa área de influencia. A entidade financeira renova o seu compromiso e mobiliza desde este momento 375 millóns para cubrir as necesidades de crédito deste colectivo, ampliables ata 425 millóns.
A presentación do novo plan de apoio económico tivo lugar esta mañá nas novas instalacións corporativas e comerciais do banco na cidade, o Espacio Avenida. O director territorial de ABANCA na Coruña, Óscar Salgado, dirixiu un encontro no que participaron representantes das principais áreas de innovación da Grela, Alvedro/Culleredo, Bergondo, Carballo, Espíritu Santo, Pocomaco e Sabón.
Logo da renovación dos convenios de colaboración financeira con estas áreas industriais, os asistentes mantiveron unha reunión de traballo na que abordaron os retos do tecido empresarial local e os seus retos para seguir crecendo e acordaron revisar periodicamente esta oferta para axustala ás necesidades de cada momento.
Máis investimento para comprometerse co futuro
Este novo plan de apoio económico presentado por ABANCA na Coruña persegue obxectivos ambiciosos, xa que pretende adaptarse ás necesidades de cada empresa situada nestes ámbitos de innovación e desenvolvemento e apoiar os seus obxectivos. Para conseguilo, dispón dun catálogo confeccionado a medida no que cobran protagonismo tanto produtos e servizos pensados para as necesidades do día a día, como os destinados a impulsar os proxectos estratéxicos.
As áreas industriais da Coruña poderán así abordar algúns retos clave para garantir a súa continuidade ou reforzar a súa competitividade nun mercado cada vez máis global. Esta liña financeira especial pretende tamén incentivar ás empresas deste ámbito xeográfico a implantar procesos máis eficientes, crear novas liñas de negocio ou acadar avances en materia de sostibilidade.
En termos prácticos, estes obxectivos conseguiranse grazas a un catálogo renovado de produtos e servizos no que teñen cabida fórmulas como pólizas de crédito, anticipos, liñas de desconto comercial ou avais, pero tamén mediante préstamos, leasing ou financiamento oficial, entre outros.
A oportunidade da intelixencia artificial
Ademais de renovar os convenios de colaboración e coñecer o novo Espacio Avenida, a xornada contou tamén con dúas ponencias sobre temas de actualidade, a cargo de profesionais de ABANCA. Na primeira delas tratáronse as principais cuestións que teñen que ver coa situación macroeconómica e os retos dos próximos meses, moi marcados pola situación xeopolítica.
Tras esta primeira charla, foi a quenda de abordar outro dos temas que máis interese esperta entre as empresas: a intelixencia artificial. Nesta charla especializada, os representantes das principais áreas industriais da Coruña coñeceron algunhas das últimas novidades nesta materia e formularon as súas preguntas sobre unha tecnoloxía destinada a impactar en moitos aspectos da vida cotiá das empresas.