ABANCA obtén o rating de sostibilidade de categoría A da axencia MSCI

  • MSCI asigna a ABANCA unha puntuación na parte alta da categoría A
  • A entidade financeira recibe cualificacións das tres axencias de rating máis relevantes en materia ESG

Descarga en alta resolución Serás redirixido a outro sitio web e abrirase nunha nova ventá

A axencia MSCI asignou a ABANCA un rating de sostibilidade equivalente a unha cualificación de A. Esta cualificación sitúa a ABANCA como cuarta entidade bancaria na clasificación do mercado español de MSCI.

Entre as fortalezas que contribuíron á cualificación de ABANCA, MSCI sinala o seu modelo de gobernanza, o seu marco de protección ao cliente e a xestión do capital humano, na que destaca o seguimento da satisfacción e benestar dos profesionais e o desenvolvemento de programas de talento. Nos tres casos, a cualificación de ABANCA sitúase por encima da media do mercado español.

ABANCA é cualificada polas tres axencias máis relevantes do mercado en temática ESG, posto que o rating de MSCI súmase aos de Sustainalytics e Moody´s Analytics, que a entidade financeira xa viña recibindo.

Sustainalytics sitúa a ABANCA como líder en sostibilidade dentro do sector bancario español e 9º banco a nivel mundial, avalando a estratexia de sostibilidade desenvolvida pola entidade nos últimos anos. Moody´s Analytics tamén sitúa a ABANCA na mellor categoría das contempladas na súa metodoloxía. A posición destacada de ABANCA recoñece a forma en que a entidade desenvolve a súa actividade en cuestións como ética empresarial, seguridade e privacidade da información, así como integración de factores ESG e de xestión de persoas.

Dentro do seu plan de sostibilidade, o banco incorporou a súa Política Sectorial de Risco Climático e Ambiental, centrada no ámbito de crédito e na consecución dos obxectivos de descarbonización, coa meta de deixar de financiar carbón e das cero emisións netas atribuíbles á súa carteira en 2050. Lanzou ao mercado diferentes opcións de produtos sostibles, como a súa hipoteca para vivenda enerxéticamente eficiente, o seu préstamo para a adquisición de vehículos ecolóxicos ou o seu servizo de xestión discrecional de carteiras Alpha Responsable. O banco aliñou a sostibilidade coa súa estratexia de transformación e definiu un modelo de actuación que a sitúa no centro da súa toma de decisións.

Máis información sobre os ratings de ABANCA: https://www.abancacorporacionbancaria.com/es/inversores/informacion-financiera/Serás redirixido a outro sitio web

E sobre as características e escalas dos mesmos: https://www.abancacorporacionbancaria.com/files/documents/definicion-ratings-esg-webcorporativa-2024-es.pdfVer ficheiro PDF