ABANCA reforza a súa colaboración coas confrarías da Coruña cunha nova oferta adaptada ás súas necesidades
- A entidade financeira escenifica o seu compromiso co sector pesqueiro nun acto no que asina un novo convenio de colaboración con 15 confrarías do norte da provincia
- O banco e os pósitos coruñeses compartiron unha mesa redonda na que debateron sobre os retos e oportunidades do sector
O director territorial de ABANCA na Coruña, Gerardo Fuertes (duodécimo pola esquerda) e o director de ABANCA Mar, Javier Fraga (duodécimo pola dereita), durante o acto celebrado coas confrarías coruñesas.
O director territorial de ABANCA na Coruña, Gerardo Fuertes (sexto pola esquerda) e o director de ABANCA Mar, Javier Fraga (cuarto pola esquerda), durante o acto celebrado coas confrarías coruñesas.
ABANCA segue avanzando no seu plan de apoio ao sector pesqueiro galego e celebra unha nova reunión estratéxica na Coruña con representantes das principais confrarías da área de influencia da cidade herculina. O acto serviu tamén para renovar o convenio de colaboración que une ao banco con estes pósitos. Con esta firma, a entidade financeira plasma novas opcións de financiamento para 15 confrarías do norte da provincia.
No acto, celebrado esta tarde na sede de Afundación na Coruña, participaron, por parte da entidade financeira, o director territorial de ABANCA na Coruña, Gerardo Fuertes; o director de ABANCA Mar, Javier Fraga; o coordinador institucional de ABANCA na Coruña, José Manuel Vilariño; así como diversos directores de zona e de oficina do norte da provincia da Coruña.
Por parte das confrarías tomaron partido Felipe Canosa Entonado, patrón maior da Confraría de A Coruña; Jorge López Pena, patrón maior da Confraría Santiago Apóstol de Barallobre; José Héctor Morgade Carracedo, patrón maior da Confraría de Caión; Javier Pita López, patrón maior da Confraría Nuestra Señora del Carmen de Cariño; Eduardo Gónzalez López, patrón maior da Confraría de Cedeira; Roberto Vidal Pombo, patrón maior da Confraría de Corme; Manuel Montero Toimil, patrón maior da Confraría de Ares; Manuel Villar Vidal, patrón maior da Confraría de Laxe; Emilio Méndez Gómez, patrón maior da Confraría de Lorbé; José Francisco Rodriguez Grille, secretario da Confraría de Malpica; Francisco Manuel Sánchez Neira, patrón maior da Confraría de Mera; José Manuel Fernández Lage, patrón maior da Confraría de Miño; Omar Enrique Lucci Muñoa e Andrés Rubén Sanesteban Filgueira, patrón maior e vice patrón da Confraría Sal Telmo de Mugardos; Santiago Salgado Amado, patrón maior da Confraría Virgen del Carmen de Pontedeume; e Alberto Castro García, secretario da Confraría de Sada.
Novas opcións de financiamento
Grazas a este novo acordo de colaboración, ABANCA pon a disposición das confrarías unha póliza de crédito específica, con xuros moi baixos, pensada para facer fronte aos períodos de caída de ingresos. O convenio tamén suma outra novidade importante, cunha serie de produtos específicos destinados a facer fronte a outra das principais preocupacións do sector, a renovación da frota.
As novidades deste texto complétanse cun novo catálogo de seguros especialmente pensados para este sector. Ademais, un equipo de xestores especializados en seguros de empresa encargarase de informar das pólizas que mellor se adapten ás necesidades específicas da súa actividade.
O acordo inclúe igualmente outros produtos habituais como préstamos persoais sen xuros ou comisións para aprazar o pago de impostos ou subvencións, liñas de desconto, leasing mobiliario, avais ou liñas de comercio exterior.
Así mesmo, os membros das confrarías poderán acceder outros plans de financiamento con respaldo institucional, como o Plan Activamos subscrito por ABANCA e a Deputación da Coruña, ou outros acordos con organismos oficiais como ICO, Igape ou a Sociedade de Garantía Recíproca Afigal.
Especial atención ao sector pesqueiro
Tras a firma do convenio, os representantes de ABANCA e as confrarías compartiron unha mesa redonda na que analizaron as necesidades e principais desafíos do sector. Os representantes dos pósitos compartiron as súas preocupacións cos membros da entidade financeira e formularon peticións para, no futuro, seguir ampliando o convenio de colaboración que manteñen co banco.
Esta é a terceira edición dunha reunión dirixida a coñecer de primeira man a realidade do sector e traballar de maneira conxunta en resolver as principais demandas dun sector clave para a economía galega. Os acordos que mantén ABANCA coa maior parte das confrarías de Galicia encaixan coa súa estratexia de apoio ao sector primario.
A entidade financeira apoiou desde sempre o traballo e esforzo dos traballadores do mar. Un compromiso que se viu reforzado hai dous anos coa creación dunha división específica do banco que dá respostas a un sector amplo e heteroxéneo cun crecente catálogo de produtos e uns profesionais altamente cualificados: ABANCA Mar.