Bankoa ABANCA e Itsas Garapen Elkartea renovan a súa colaboración e avanzan no seu compromiso coa sostibilidade e o sector económico do mar
- O acordo ofrece alternativas de crédito aos beneficiarios dos proxectos vinculados ao grupo de acción local vasco
- A unidade especializada ABANCA Mar ofrece os seus coñecementos no sector para reforzar a competitividade e o desenvolvemento económico e ambiental das federacións e asociacións do grupo
O director comercial de Bankoa ABANCA, José Luis Barca, e o responsable técnico de Itsas Garapen Elkartea, Ekaitz Urtiaga, durante a firma
Descarga en alta resolución Serás redirixido a outro sitio web e abrirase nunha nova ventá
Bankoa ABANCA e o Grupo de Acción Local Pesquero Itsas Garapen Elkartea renovaron, un ano máis, o acordo de colaboración que manteñen e co que buscan dar un novo impulso ao sector da pesca e a acuicultura desde unha perspectiva sostible no País Vasco a través dunha oferta financeira vantaxosa e específica para os beneficiarios dos proxectos vinculados ao GALP.
O acordo foi asinado polo director comercial de Bankoa ABANCA, José Luis Barca, e o presidente de Itsas Garapen Elkartea, Aurelio Bilbao. Durnate o acto desta mañá en Zamudio (Bizkaia), foron o propio director comercial de Bankoa ABANCA e o responsable técnico de Itsas Garapen Elkartea, Ekaitz Urtiaga, os encargados de formalizar esta nova colaboracion nun acto no que tamén participou o coordinador de ABANCA Mar, Mikel Eraso. Durante o encontro, os representantes aproveitaron para conversar sobre os retos actuais do sector pesqueiro e comprometéronse a seguir mantendo un contacto fluido para facer fronte a posibles necesidades ou retos do futuro.
O convenio recolle unha serie de innovacións orientadas á posta en marcha de novos proxectos e á mellora competitiva dos actuais. A sostibilidade é un dos puntos clave do acordo, xa que ambas entidades están profundamente comprometidas con ela. Por este motivo, o acordo renovado detalla unha serie de produtos e servizos orientados a contribuir á diversificación do sector pesqueiro e ao impulso da economía azul sostible. Así mesmo, destacan as liñas de crédito flexibles, préstamos con condicións preferenciais, anticipos de subvencións e servizos de leasing adaptados ás necesidades do sector.
O acordo tamén detalla préstamos anticipo, sen comisións ou intereses, para inversións en materia de eficiencia enerxética, biodiversidade e mellora do impacto climático, promovendo un desenvolvemento económico respectuoso co medio mariño.
Con este convenio, a entidade financeira, a través da súa unidade especializada ABANCA Mar, continúa reforzando o seu compromiso co sector pesqueiro, un sector estratéxico en comunidades coma o País Vasco, onde Bankoa ABANCA segue traballando nunha oferta específica para dar resposta ás súas necesidades.