Comeza o XXVI Premio San Clemente Rosalía-ABANCA coa presentación das nove obras finalistas
- Leila Slimani, Auður Ava Ólafsdóttir e Colson Whitehead son as autoras e autores seleccionados na categoría de lingua estranxeira
- En lingua castelá, o galardón decidirase entre Sara Jaramillo Klinker, Karina Sainz Borgo e Juan Tallón
- María Rei Vilas, Berta Dávila e Xesús Fraga, finalistas na categoría de lingua galega
Descarga en alta resolución Serás redirixido a outro sitio web e abrirase nunha nova ventá
Descarga en alta resolución Serás redirixido a outro sitio web e abrirase nunha nova ventá
A XXVI edición do Premio San Clemente Rosalía-ABANCA deu comezo hoxe coa presentación das nove novelas finalistas nas tres categorías establecidas no certame: lingua galega, lingua castelá e lingua estranxeira.
As profesoras do IES Rosalía de Castro Marta Gende e Rosa López foron as encargadas de dar a coñecer as obras e autores entre os que se decidirán os gañadores. Fixérono nunha rolda de prensa na que tamén participaron a presidenta da Asociación Cultural Instituto Rosalía, Maribel Martín; o director do IES Rosalía de Castro, Xabier Mouriño; o secretario xeral de Política Lingüística, Valentín García, e o coordinador Institucional de ABANCA na Coruña, José Manuel Vilariño.
As novelas finalistas desta nova edición do certame literario son as seguintes:
Categoría Lingua Galega:
- ‘Flores de ferro’ de María Rei Vilas (Ed. Galaxia)
- ‘Illa Decepción’ de Berta Dávila (Ed. Galaxia)
- ‘Virtudes (e misterios)’ de Xesús Fraga (Ed. Galaxia)
Categoría Lingua Castelá:
- ‘Donde cantan las ballenas’ de Sara Jaramillo Klinker (Ed. Lumen)
- ‘El tercer país’ de Karina Sainz Borgo (Ed. Lumen)
- ‘Rewind’ de Juan Tallón (Ed. Anagrama)
Categoría Lingua Estranxeira:
- ‘El país de los otros’ de Leila Slimani (Ed. Cabaret Voltaire)
- ‘La escritora’ de Auður Ava Ólafsdóttir (Ed. Alfaguara)
- ‘Los Chicos de la Nickel’ de Colson Whitehead (Ed. Random House)
O premio retoma así a normalidade tras ter que cancelar o acto de entrega da XXV edición por culpa da pandemia.
A autora e os autores gañadores desa edición que tivo que ser suspendida: Emma Pedreira, por ‘Besta do seu sangue’; Carlos Busqued, por ‘Magnetizado’, e Antonio Manzini, por ‘7-7-2007’, recibirán o seu premio nunha gala conxunta cos escritores e escritoras que resulten galardoados na convocatoria actual.