COMUNICADO

Ante as recentes informacións publicadas en diversos medios sobre unha posible operación corporativa con Banco Sabadell, ABANCA desexa insistir que non ten interese nesta operación. Somos unha entidade comprometida coa xeración de valor sostible para os nosos clientes, empregados e accionistas, e calquera decisión estratéxica que tomemos estará sempre aliñada con este obxectivo.

Neste sentido, queremos salientar que só participaremos en operacións que garanten a preservación do noso modelo de gobernanza e o noso modelo de negocio, piares fundamentais do noso éxito. ABANCA demostrou na última década un sólido crecemento, tanto orgánico como inorgánico, o que nos posiciona como un actor relevante no sector financeiro.

A nosa prioridade actual é culminar con éxito a integración de EuroBic en Portugal, un paso clave dentro do noso plan estratéxico 2025-2027, que está enfocado no fortalecemento integral das nosas áreas de negocio e en consolidar a nosa presenza nos mercados onde operamos.

ABANCA reafirma o seu compromiso cun modelo de xestión profesional, baseado en criterios empresariais, e seguirá traballando para manter a súa posición como referente no sector financeiro, sempre priorizando os intereses dos seus grupos de interese. Non faremos máis comentarios sobre especulacións de mercado e enfocarémonos en seguir avanzando nos nosos obxectivos estratéxicos.