DBRS mellora a perspectiva de ABANCA de estable a positiva
- A axencia basea a súa decisión no fortalecemento dos ingresos recorrentes e a redución de activos improductivos levada a cabo pola entidade nos últimos dous anos
- As catro axencias que cualifican a ABANCA confían na continuidade da melloría do seurating, tal e como reflicte a perspectiva positiva en todas elas
Descarga en alta resolución Serás redirixido a outro sitio web e abrirase nunha nova ventá
A axencia de cualificación DBRS Ratings mellorou a perspectiva do rating de ABANCA de estable a positiva. Os rating emisor a longo prazo e a curto prazo foron afirmados en BBB (low) e R-2 respectivamente.
O fortalecemento dos ingresos recorrentes e a redución de activos improductivos que ABANCA levou a cabo nos últimos dous anos foron, segundo indica a calificadora, claves para esta decisión.
Cualificacións en mellora continua
A acción anunciada por DBRS súmase a outras similares realizadas polas axencias de cualificación nos últimos exercicios, recoñecendo a boa evolución experimentada pola entidade neste tempo.
No que vai de 2018, as outras tres axencias que cualifican a ABANCA levaron a cabo acciones deste tipo. En marzo Fitch Ratings mellorou a perspectiva do rating de ABANCA de estable a positiva (manténdose o rating a longo prazo a un chanzo do grao de investimento), en abril Standard and Poor´s elevou o seu rating a longo prazo de BB- a BB (mantendo a perspectiva positiva), e en maio Moody´s Investors Service subiu nun chanzo o rating emisor a longo prazo, que pasou de Ba3 a Ba2, e mellorou a súa perspectiva de estable a positiva.
Con esta última acción, as catro axencias de rating que cualifican a ABANCA outórganlle perspectiva positiva, isto é, confían en que a súa rating mellore nos próximos meses.