Moody’s aumenta dous chanzos o rating de ABANCA, ata a categoría A, o bloque de cualificacións máis alto
- É a segunda axencia que outorga o rating A, despois de que DBRS o fixése en febreiro de 2025
- ABANCA suma seis subidas de rating financeiro en 12 meses
Descarga en alta resolución Serás redirixido a outro sitio web e abrirase nunha nova ventá
A axencia de cualificación Moody’s aumentou dous chanzos o rating a longo prazo ("long-term deposit") de ABANCA, que desta maneira pasa de Baa2 a A3, á vez que situou a súa perspectiva en estable.
Esta decisión afianza a posición de ABANCA na categoría A, o bloque de cualificacións máis elevado das axencias, no que entrou en febreiro deste ano coa mellora do rating de DBRS.
Moody’s basea a súa decisión nos niveis de capital e rendibilidade de ABANCA, que se sitúan nun nivel superior ás expectativas. Ademais tamén influíron positivamente o sólido perfil de financiamento da entidade e a saneada calidade dos seus activos.
Coa subida anunciada hoxe, ABANCA viu melloradas as súas cualificacións financeiras en seis ocasiones nos últimos 12 meses. As catro axencias que a cualifican elevaron o seu rating neste período. No caso de Moody’s, o rating de entidade tivo un comportamento excepcional, con subidas que supuxeron unha mellora total de tres chanzos.
A mellora nas cualificacións de ABANCA recoñece a boa evolución da entidade en todos os ámbitos, especialmente en rendibilidade, solvencia, calidade dos activos e fortaleza do seu balance. As axencias premian tamén a acertada estratexia de crecemento levada a cabo nos últimos anos e a solidez dunha franquía de ámbito ibérico.