O IES Gran Capitán de Madrid, gañador nacional do programa de educación financeira Segura-Mente de ABANCA e Afundación
Na imaxe, os alumnos e alumnas de 4ºC da ESO do IES Gran Capitán de Madrid co director territorial Centro-Este de ABANCA, Pedro Canles, e outros representantes de ABANCA Seguros e Afundación.
Descarga en alta resolución Serás redirixido a outro sitio web e abrirase nunha nova ventá
O director territorial Centro-Este de ABANCA, Pedro Canales, entega o premio aos alumnos e alumnas de 4ºC de ESO do IES Gran Capitán de Madrid.
Descarga en alta resolución Serás redirixido a outro sitio web e abrirase nunha nova ventá
A aula de 4ºC de ESO do IES Gran Capitán de Madrid recibiu hoxe o premio nacional do programa de educación financeira Segura-Mente, impulsado por ABANCA e a súa Obra Social, Afundación, na categoría C. Ao acto asistiron o subdirector xeral de Programas de Innovación y Formación da Consejería de Educación, Juventud y Deporte da Comunidad de Madrid, e o director territorial Centro-Este de ABANCA, Pedro Canales, ademais de representantes de ABANCA Seguros e Afundación.
A aula gañadora gozará dun premio de 2.000 euros en experiencias.
Os representantes institucionais, ademais de entregar o cheque, agradeceron ao alumnado e ao profesorado do centro, representado pola docente Hortensia Hurtado, a súa implicación co programa.
‘Segura-Mente’ forma parte do programa de educación financeira que desenvolven ABANCA e Afundación e ten como obxectivo achegar aos máis novos a educación financeira aplicada á vida real mediante un xogo ameno e divertido. Nesta edición, os participantes tiveron que planificar de forma virtual unha viaxe sostible.
O traballo realizado permitiulles adquirir unha aprendizaxe significativa sobre finanzas e como realizar un orzamento ao mesmo tempo que reforzou transversalmente os seus coñecementos de historia, arte, literatura e mesmo os Obxectivos de Desenvolvemento Sostible. Para facelo atractivo para o colectivo escolar, utilizáronse metodoloxías innovadoras como a aprendizaxe cooperativa, intelixencias múltiples, visual thinking e a Taxonomía de Bloom.
Nesta edición participaron máis de 77.200 alumnos e alumnas de toda España, con equipos en todas as Comunidades Autónomas.
Ademais, contou coa implicación de 72 profesionais de ABANCA e Afundación, que comprometeron activamente co programa realizando de maneira voluntaria talleres formativos sobre os contidos do concurso para escolares de todo o territorio nacional.
‘Segura-Mente’ suma máis de 342.000 participantes nas súas cinco edicións e foi recoñecido polo Banco de España e a Comisión Nacional do Mercado de Valores (CNMV) co premio ‘Finanzas para todos’ na categoría de ‘mellor iniciativa de educación financeira’.