O neobanco B100, novo patrocinador do atletismo español no Campionato de Europa por Equipos Madrid 2025
- A entidade financeira e a federación colaborarán nunha das citas máis importantes do calendario internacional do atletismo
- Máis aló da colaboración comercial, este apoio do banco simboliza un compromiso co deporte como ferramenta de transformación persoal e social
O neobanco B100, novo patrocinador do atletismo español no Campionato de Europa por Equipos Madrid 2025
Descarga en alta resolución Serás redirixido a outro sitio web e abrirase nunha nova ventá
A Real Federación Española de Atletismo (RFEA) e B100. The Healthy Banking asinaron esta mañá un convenio de colaboración mediante o cal B100 convértese en patrocinador oficial da selección española de Atletismo durante a celebración do Campionato de Europa por Equipos 2025, unha das grandes citas do calendario internacional do atletismo e o evento para equipos máis importantes do continente.
Este campionato reunirá en Madrid ás 16 mellores seleccións de Europa, que competirán nun formato único e vibrante. Durante tres días, a capital española acollerá os mellores atletas europeos con España competindo na casa, nun evento que promete ser unha verdadeira festa do atletismo, o deporte e os valores que o sustentan.
Para iso, B100 incorpórase como patrocinador oficial, un reforzo da proxección do campionato e do equipo nacional, nun ano clave para o atletismo español. Esta alianza enmárcase dentro do posicionamento de B100 no Healthy Banking, unha proposta do grupo financeiro ABANCA (unha das principais entidades financeiras españolas), centrada arredor do deporte, a saúde mental e o coidado do medio ambiente.
O patrocinio de B100 non só representa unha colaboración comercial, senón tamén un compromiso co deporte como ferramenta de transformación persoal e social. O atletismo, cos seus valores de esforzo, superación, traballo en equipo e vida activa, encarna moitos dos principios que inspiran o proxecto B100.
Por iso, o apoio de B100 contribuirá a dar visibilidade ao campionato e ao equipo nacional, achegando estes valores á cidadanía a través de distintos soportes dixitais e físicos vinculados a #EspañaAtletismo.
“Estamos convencidos de que esta colaboración aportará un valor engadido tanto ao campionato como á proxección do atletismo español, nunha tempada ilisionante e decisiva. Madrid será o centro do mellor atletismo europeo en 2025, e farao co apoio dunha marca comprometida co benestar e o desenvolvemento sostible da nosa sociedade”, dixo Raúl Chapado, presidente da RFEA.
Jorge Mahía, director executivo de B100, afirmou pola súa parte que a entidade "comparte cada un dos valores que os atletas españois representan nestas competicións, valores que plasmamos nos nosos produtos e servizos e cos que queremos axudar ás persoas a vivir máis e mellor”.