Os voluntarios de ABANCA limpan a praia de Abelleira de especies invasoras e residuos
- Conseguiron retirar 188 quilos de ‘Tradescantia fluminensis’ e, aproximadamente, 250 quilos de residuos sólidos non perigosos
- A actividade contou coa colaboración do Grupo Naturalista Hábitat, o Concello de Paderne, a fundación Fragas do Mandeo e a Reserva de Biosfera Mariñas Coruñesas e Terras do Mandeo
Os voluntarios onseguiron retirar 188 quilos de ‘Tradescantia fluminensis’, que constitúe unha ameaza grave para as especies autóctonas da zona e o seu hábitat.
A xornada aproveitouse tamén para retirar cerca de 250 quilos de residuos sólidos non perigosos arrastrados pola marea ata a praia.
A pasada fin de semana os voluntarios de ABANCA e Afundación volveron a reunirse para desenvolver unha nova actividade de mellora do patrimonio natural na praia de Abelleira (en Paderne, A Coruña), zona núcleo da Reserva de Biosfera Mariñas Coruñesas e Terras do Mandeo. Un grupo de 28 voluntarios estivo traballando durante toda a mañá e conseguiu retirar 188 quilos dunha planta exótica invasora, a ‘Tradescantia fluminensis’, que constitúe unha ameaza grave para as especies autóctonas da zona e o seu hábitat.
A xornada aproveitouse tamén para retirar cerca de 250 quilos de residuos sólidos non perigosos arrastrados pola marea ata a praia. Durante toda la expedición, os voluntarios contaron coa habitual colaboración dos expertos do Grupo Naturalista Hábitat que guiaron aos participantes co obxectivo de poñer en valor a riqueza natural que atesora a zona e concienciar sobre a importancia de garantir a súa conservación.
A actividade desta fin de semana contou ademais coa colaboración do Concello de Paderne, a fundación Fragas do Mandeo e a Reserva de Biosfera Mariñas Coruñesas e Terras do Mandeo.
‘Traballando pola mellora do patrimonio natural’
O programa ‘Traballando pola mellora do patrimonio natural’, que o banco e a súa obra social desenvolven xunto ao Grupo Naturalista Hábitat, despraza aos voluntarios da entidade por diversos puntos de Galicia para levar a cabo diferentes accións de limpeza de residuos, retirada de especies invasoras, reforestación e elaboración de refuxios de fauna.