Os voluntarios de ABANCA plantan 300 árbores autóctonas nos montes de Coruxo
- Os traballos de reforestación realizáronse en colaboración co Grupo Naturalista Hábitat e a comunidade de montes veciñais
Descarga en alta resolución Serás redirixido a outro sitio web e abrirase nunha nova ventá
Descarga en alta resolución Serás redirixido a outro sitio web e abrirase nunha nova ventá
Descarga en alta resolución Serás redirixido a outro sitio web e abrirase nunha nova ventá
O programa de voluntariado medioambiental de ABANCA ‘Traballando pola mellora do patrimonio natural’ reuniu o pasado sábado en Coruxo (Vigo) a máis de 50 persoas para realizar labores de reforestación nesa zona, que foi unha das máis afectadas pola onda de incendios de outubro de 2017 e que aínda se atopa en proceso de recuperación.
O grupo de voluntarios e voluntarias de ABANCA e Afundación conseguiu plantar en total 300 árbores que contribuirán a mellorar a situación actual deste espazo natural. Para esta acción, organizada polo banco en colaboración co Grupo Naturalista Hábitat e a Comunidade de Montes Veciñais de Coruxo, seleccionáronse exemplares de dez especies autóctonas. En concreto, plantáronse érbedos (Arbutus unedo), carballos (Quercus robur), cerquiños (Quercus pyrenaica), sobreiras (Quercus suber), cerdeiras (Prunus avium), bidueiros (Betula alba), castiñeiros (Castanea sativa), pradairos (Acer pseudoplatanus), ameneiros (Alnus glutinosa) e abelaneiras (Corylus avellana).
É a terceira vez que os voluntarios e voluntarias de ABANCA e Afundación desprázanse aos montes de Coruxo para realizar labores de rehabilitación forestal tras os incendios. En novembro de 2017 colaboraron na colocación dun mulching vexetal para reter a humidade e evitar a escorredura e perda de chan arrasado polo lume, e no primeiro trimestre de 2018 axudaron á recuperación do monte coa plantación de 600 árbores autóctonas.
As actividades incluídas no programa de voluntariado ambiental de ABANCA para o primeiro trimestre de 2020 continuarán o próximo 29 de febreiro cunha nova xornada de reforestación no Monte Xalo (Culleredo).
Coas iniciativas de voluntariado no ámbito do medio ambiente, o banco quere conseguir un impacto directo en catro Obxectivos de Desenvolvemento Sustentable (ODS)Serás redirixido a outro sitio web: ODS 10 ‘Redución das desigualdades’, ODS 13 ‘Acción polo clima’, ODS 14 ‘Vida submarina’e ODS 15 ‘Vida de ecosistemas terrestres’.