• Contacto
  • abanca.com
ABANCA Comunicación
  • Novas
  • Mediateca
  • Información básica
  • Novas
  • Mediateca
  • Información básica
  • En castellano
Ver más noticias

RESULTADOS 3T 2021: ABANCA gaña 210 millóns, un 46% máis que o ano anterior

  • Os ingresos recorrentes por produtos e prestación de servizos bancarios incrementáronse nun +8,2%
  • A marxe recorrente mellora un 56,2% e alcanza os 190 millóns grazas á fortaleza do negocio e a mellora de eficiencia
  • ABANCA é líder en calidade dos activos, co menor cociente de morosidade (1,9%) e a maior cobertura de activos dubidosos (85,4%) do sistema
  • O cociente de capital total sitúase no 17,3%, un superávit de 1.571 millóns sobre os requisitos regulatorios
  • No que vai de ano, as catro axencias de rating melloraron as súas cualificacións sobre ABANCA, que alcanza o nivel de grao de investimento
  • Intenso esforzo en mellorar a educación financeira da sociedade, recoñecido co premio en educación financeira outorgado por Banco de España e CNMV
  • A primeira emisión verde lanzada por ABANCA contou cunha gran acollida por parte da comunidade investidora cunha demanda que triplicou a oferta
  • A entidade comezou a lanzar os seus primeiros produtos de financiamento Next Generation para apoiar aos seus clientes na transición cara a unha economía máis sostible
20211021-abanca-resultados-3t2021-gl

Descarga en alta resolución

Descarga los contenidos anexos

  • Presentación resultados ABANCA 3T 2021 Presentación resultados ABANCA 3T 2021
21-10-2021
Resultados

ABANCA mellorou o seu resultado até obter no terceiro trimestre de 2021 un beneficio atribuído de 209,8 millóns de euros grazas fundamentalmente ao aumento dos ingresos recorrentes, ao eficaz control de gastos e á contención do custo do risco.

A entidade afronta a etapa de recuperación e transformación da economía desde unha posición de fortaleza financeira acreditada pola máxima calidade dos seus activos (cociente de morosidade do 1,9% e nivel de adxudicados sobre balance do 0,3%), os seus elevados niveis de cobertura (85,4% en activos dubidosos e cociente Texas do 26,9%), o seu robusto nivel de capitalización (cociente de capital total do 17,3% e 1.571 millóns de exceso sobre requisitos regulatorios) e a súa cómoda posición de liquidez (cociente LTD do 95,7% e 15.107 millóns de euros en activos líquidos).

ABANCA continúa desenvolvendo a súa folla de ruta na transición cara a unha economía máis sostible e neste terceiro trimestre lográronse fitos moi relevantes como a primeira emisión verde, que contou cunha sobredemanda de 2,6 veces o importe emitido, a firma dun acordo para a subministración de enerxía renovable e a obtención do premio de educación financeira ‘Finanzas para todos’ do Banco de España e a CNMV.

Unha das pancas de impulso fundamentais nesta nova etapa serán os fondos Next Generation EU. Co obxectivo de comezar a materializar a súa chegada ao tecido produtivo e social, ABANCA lanzou no terceiro trimestre do ano os seus primeiros produtos de financiamento, dirixidos especificamente á adquisición de vehículos ecolóxicos e estacións de recarga no marco do Plan Moves III, así como ao anticipo de axudas europeas.

Sólido crecemento dos ingresos recorrentes

Os ingresos recorrentes seguen gañando peso trimestre a trimestre na conta de resultados de ABANCA. Grazas á boa evolución da marxe de intereses (que creceu un 7,6%) e dos ingresos por prestación de servizos bancarios (que o fixeron nun 9,8%), a marxe básica rexistrou un incremento do 8,2%.

Grazas á realización de proxectos de racionalización e á obtención de valor nas integracións, os custos ordinarios reducíronse nun 6,8%. Con iso, a marxe recorrente (marxe básica menos gastos de explotación) alcanzou os 190 millóns, o que supón un incremento do 56,2% respecto ao obtido en setembro de 2020.

O custo do risco (0,34%) segue contido a pesar de manter a prudencia en canto a coberturas do crédito. ABANCA mantén as coberturas de crédito dubidoso máis elevadas do sistema financeiro español (85,4%), destacando a prudencia no segmento de pemes e grandes empresas, onde se alcanza o 105,2% de cobertura.

Fortaleza do negocio

O volume de negocio aumentou un 15,8% até quedar situado en 103.697 millóns de euros. Se se contabiliza o negocio da rede española de Novo Banco, esta cifra sitúase xa por encima dos 107.000 millóns (crecemento interanual do 20,1%).

A carteira de crédito a clientes en situación normal incrementouse nun 15,4% en termos interanuais (10,9% excluíndo Bankoa, integrada a principios de 2021) até os 44.429 millóns de euros. O financiamento a empresas e familias, que suman o 77% do total, constitúe o seu compoñente maioritario.

Polo que respecta aos recursos de clientes, a entidade xestiona un total de 58.830 millóns de euros. Esta cifra supón un crecemento total do 17,0% (11,5% sen contabilizar Bankoa). Os depósitos de clientes creceron un 14,8% (11,0% sen incluír Bankoa), até os 46.861 millóns de euros.

No que vai de ano o banco incorporou máis de 128.000 novos clientes valor, incrementou nun 11,8% o seu parque de tarxetas de crédito e débito, e aumentou nun 14,6% o seu parque de TPVs.

Os recursos fóra de balance rexistraron un crecemento do 26,6% (13,7% sen incluír o efecto de Bankoa). Mención especial merece o servizo de Xestión Discrecional de Carteiras, que xa supera os 1.100 millóns de euros de volume e que xa foi contratado por máis de 8.000 clientes. Este produto mantense entre os mellores do mercado en termos de rendibilidade.

As primas de seguros xerais e vida-risco creceron un 11,8%, cun comportamento moi homoxéneo nos diferentes segmentos: pagos protexidos creceu un 16%, seguros coche e empresas un 13%, e vida-risco un 12%.

Calidade da carteira: á cabeza do sector

ABANCA continúa situada como mellor entidade do sector financeiro español en canto a calidade da carteira e coberturas. En comparación con setembro do ano pasado, a entidade reduciu os seus activos dubidosos nun 17,1% (-21,1% ex-Bankoa). ABANCA presenta unha taxa de morosidade do 1,9%, a cifra máis baixa do sector financeiro español e practicamente a metade da media.

A entidade é tamén a que mellores niveis de cobertura presenta: 85,4% para morosidade e 75,5% para activos improductivos. Con iso o cociente Texas sitúase no 26,9%, igualmente á cabeza do sector.

Esta calidade crediticia obsérvase no conxunto da carteira, incluíndo aos clientes que recibiron apoio financeiro para afrontar as consecuencias da crise do COVID-19. Para un total de 3.403 millóns de euros en operacións de financiamento con aval do ICO, só o 0,9% delas atópase en situación de dubidoso. De forma similar, unha vez vencidas en torno ao 75% das operacións de flexibilización financeira (moratorias) aplicadas a familias (1.235 millóns), os niveis de morosidade deste colectivo mantivéronse en mínimos.

Solvencia e liquidez: folgura fronte aos requirimentos

En materia de solvencia, o cociente de capital de ABANCA quedou situado no 17,3% (13,2% capital máxima calidade CET1). Grazas á diversificación da súa estrutura de capital, a entidade dispón de amplos colchóns sobre os requirimentos establecidos: 500 p.b. (1.571 millóns de euros) en capital total e 521 p.b. (1.635 millóns) en CET1.

Tras a recente emisión de débeda Senior Preferred levada a cabo, a entidade cumpre folgadamente (cun cociente do 18,8%), o requisito MREL fixado para 2022.

ABANCA conta cunha estrutura de financiamento baseada principalmente en depósitos minoristas, que constitúen o 71% da súa base de financiamento. A entidade presenta un cociente de créditos sobre depósitos minoristas (LTD minorista) do 95,7% e dispón de 20.601 millóns de euros entre activos líquidos (15.107 millóns) e capacidade de emisión de cédulas (5.494 millóns). Con iso cobre catro veces o total dos seus vencimientos previstos de emisións.

Os cocientes de financiamento neto estable NSFR e de cobertura de liquidez LCR están situados, respectivamente, no 132% e o 259%, niveis que cumpren amplamente cos requisitos regulatorios de Basilea III.

Melloras nas cualificacións das axencias de rating

A boa evolución seguida pola entidade en todos os ámbitos da súa actividade ten o seu reflexo nas cualificacións recibidas por parte das axencias de rating. No que vai de ano, as catro axencias que cualifican a ABANCA melloraron as súas cualificacións (a última, Fitch, que mellorou a perspectiva, situándoa en estable). Tres das catro axencias sitúan a ABANCA en grao de investimento.

Impulso á sostibilidade

A sostibilidade é unha das prioridades fundamentais da actividade de ABANCA para os próximos anos, segundo o establecido no seu Plan de Acción de Banca Responsable e Sostible 2021-2024. No último trimestre a entidade profundou no seu modelo de negocio socialmente responsable con diferentes accións no ámbito da actividade financeira.

Así, realizou a súa primeira emisión de bonos verdes Senior Preferred por importe de 500 millóns de euros, que obtivo unha gran acollida por parte do mercado (tal como amosa a sobredemanda de 2,6 veces o importe emitido) e serve para cumprir anticipadamente os requisitos MREL fixados para 2022. Ademais, lanzou un terceiro fondo de investimento sotible, denominado ABANCA Renta Fija Transición Climática 360, FI, e incorporou ao servizo GDC Alpha Responsable o seguro de vida aforro ABANCA Unit Linked Alpha GDC.

No campo da educación financeira, ABANCA e Afundación recibiron o premio ‘Finanzas para todos’ do Banco de España e a CNMV polo seu programa Segura-Mente ABANCA. No curso 2020-2021, as actividades de Educación Financeira de ABANCA e Afundación foron seguidas nos seus diferentes formatos (talleres de cultura, alfabetización e saúde financeira, finanzas básicas, formacións sectoriais, cursos, xogos interactivos, teatro, conferencias, etc.) por un total de 123.170 persoas.

Como parte das súas políticas corporativas de xestión de recursos, o banco subscribiu con Endesa un acordo de colaboración para cubrir con enerxía renovable de orixe galega a maior parte da súa demanda de electricidade do próximos dez anos.

Compartir en

Outras noticias relacionadas:

RESULTADOS 2022. ABANCA xerou 217 millóns de beneficio en 2022, un 41% máis que en 2021 en termos recorrentes

27-01-2023
Resultados

Destaca a alta calidade e recurrencia dos resultados obtidos, xa que un 94% dos ingresos proveñen do negocio con clientes.

20230127-abanca-resultados-4-gl

RESULTADOS 3T 2022: ABANCA alcanza 149 millóns de beneficio recorrente, cun incremento do 3,3%

03-11-2022
Resultados

Esta mellora do beneficio veu impulsada pola maior achega do negocio recorrente (marxe de intereses máis ingresos por prestación de servizos), que creceu un 8,3% e supón o 94% da marxe bruta.

20221103-abanca-resultados-3t-1-gl

Elementos da mediateca relacionados:

RESULTADOS 2022. ABANCA xerou 217 millóns de beneficio en 2022

27.01.2023. Presentación dos resultados anuais de 2022 de ABANCA.

RESULTADOS 2T 2022. ABANCA gaña 104,3 millóns, cun incremento do beneficio recorrente do 14,3%

29.07.2022. Presentación dos resultados do primeiro semestre de 2022 de ABANCA.

RESULTADOS 2T 2021. ABANCA obtén un resultado de 157 millóns, un 18,0% máis

22.07.2021. Presentación dos resultados do primeiro semestre de 2021 de ABANCA.

RESULTADOS 2022. ABANCA xerou 217 millóns de beneficio en 2022

27.01.2023. Declaracións do presidente de ABANCA, Juan Carlos Escotet Rodríguez, durante a presentación dos resultados anuais ...

RESULTADOS 2T 2022. ABANCA gaña 104,3 millóns, cun incremento do beneficio recorrente do 14,3%

29.07.2022. Declaracións do presidente de ABANCA, Juan Carlos Escotet Rodríguez, durante a presentación dos resultados do ...

RESULTADOS 2T 2021. ABANCA obtén un resultado de 157 millóns, un 18,0% máis

22.07.2021. Declaracións do presidente de ABANCA, Juan Carlos Escotet Rodríguez, durante a presentacióndoss resultados semestrais ...

Presentación resultados ABANCA 2022

Presentación resultados ABANCA 2022

Principais magnitudes ABANCA 2022

Principais magnitudes ABANCA 2022

Resultados ABANCA 3T 2022

Resultados ABANCA 3T 2022

  • Contacto
  • abanca.com
  • Sobre ABANCA

    • Esta web
    • Información corporativa
    • Información investidores
    • Banesco Internacional
    • Atención ao cliente
  • Aspectos legais e de seguridade

    • Política de privacidade
    • Somos accesíbeis
    • Política de cookies
    • Aviso legal
    • Taboleiro de anuncios
    • Outra información
  • Máis webs da rede ABANCA

    • Banca electrónica
    • Banca electrónica para empresas
    • Mercar entradas
    • Escogecasa
    • Bróker online
    • NX
    • Cuentas Claras: Blog ABANCA
  • Produtos

    • Contas e aforro
    • Tarxetas
    • Hipotecas
    • Créditos
    • Seguros
    • Plans de pensións
    • Todos os produtos para particulares
    • Necesitas axuda?
    • Todos os produtos para empresas
© 2023 ABANCA Corporación Bancaria, S.A. Todos os dereitos reservados.

Co obxectivo de prestarche un mellor servizo, esta web emprega cookies. Grazas a elas sabemos, por exemplo, qué uso fixeches da web. Podes desactivalas nas preferencias do teu navegador e ampliar máis información verbo da nosa política de uso de cookies.

@somosABANCA · abanca.com · 981 18 80 22 · 986 82 80 70 · comunicacion@abanca.com

Liquid error: wrong number of arguments (given 2, expected 1)