A Xunta Xeral de Accionistas de ABANCA aproba a xestión e as contas de 2022
- O Consello de Administración da entidade financeira conta cun 75% de conselleiros independentes
O Consello de Administración de ABANCA, na Xunta Xeral de Accionistas celebrada hoxe.
Descarga en alta resolución Serás redirixido a outro sitio web e abrirase nunha nova ventá
A Xunta Xeral de Accionistas de ABANCA, presidida por Juan Carlos Escotet Rodríguez, aprobou esta mañá, na súa reunión anual ordinaria, as contas anuais de 2022 e a xestión da entidade no ámbito da responsabilidade corporativa durante o pasado exercicio. No encontro, no que estivo representado o 91,85% do capital social da entidade, aprobáronse por unha ampla maioría as doce propostas de acordos recollidas na orde do día.
A Xunta celebrouse presencialmente e contou coa posibilidade de participar por vía telemática para asegurar a participación dos accionistas.
Os accionistas apoiaron co seu voto as contas anuais individuais e consolidadas do exercicio 2022. ABANCA obtivo en 2022 un beneficio de 217,0 millóns de euros, un 40,7% máis, en termos recorrentes, que no exercicio anterior grazas ao bo comportamento do negocio e ao control do custo do crédito. No exercicio de 2022 destacou a alta calidade dos resultados obtidos, que nun 94% proveñen de negocios bancarios con clientes. Este cociente era do 89% en 2021.
A entidade pechou o ano desde unha posición de gran solidez financeira que a afianza como unha das máis saneadas do sistema financeiro español. ABANCA presenta unha cobertura de activos dubidosos do 83,2%, un cociente Texas do 25,4%, unha taxa de morosidade do 2,0%, e unha taxa de adxudicados sobre balance do 0,3%
Outros acordos
A Xunta Xeral de Accionistas de ABANCA aprobou ampliar ata 15 o número máximo de conselleiros para facilitar o proceso de renovación do seu máximo órgano. Tamén aprobou a reelección de Ana Barros como conselleira. O Consello de administración de ABANCA, seguindo as mellores prácticas de goberno corporativo, está formado por 12 membros, 9 deles independentes, o que supón un 75% do total.
Outros puntos da orde do día foron o nomeamento de PWC como novo auditor ata 2026 e a autorización para a compra de accións propias.
En materia de bo goberno, ABANCA continúa avanzando na implantación das mellores prácticas en Goberno Corporativo, entre elas as recomendacións do Código de Bo Goberno, e conta por segundo ano coa verificación externa do seu modelo de gobernanza. O informe de verificación foi validado por KPMG Asesores, que tamén verificou a Memoria Corporativa.