ABANCA aborda un novo posicionamento en Nueva Pescanova para fortalecer o seu proxecto empresarial

ABANCA, a entidade financeira líder no noroeste de España, iniciou un proceso de novo posicionamento estratéxico, financeiro, comercial e de persoas en Nueva Pescanova. O obxectivo é fortalecer o proxecto empresarial da compañía pesqueira, a súa competitividade e o seu modelo de negocio.

Despois duns meses de negociacións na procura dun socio industrial, ABANCA decidiu continuar a súa folla de ruta en Nueva PescanovaSerás redirixido a outro sitio web, mantendo a propiedade. As negociacións, desenvoltas con gran profesionalidade polas dúas partes interesadas, chegaron ao seu fin de mutuo acordo. A nova estratexia comezou coa incorporación de Jorge Escudero como novo conselleiro delegado o pasado mes de setembro. Xa en outubro, Nueva Pescanova abordou a adaptación do persoal á situación real da empresa e nestes momentos ten en marcha a elaboración dun novo plan estratéxico.

Desde 2015, ABANCA realizou un considerable esforzo para salvagardar a viabilidade da compañía e manter á matriz e ás súas filiais integradas, e a súa sede en Galicia.