ABANCA achegará a Afundación 45 millóns de euros ata 2027
- O acordo reforza o compromiso social de ABANCA e supera o adquirido en 2014
- Coa achega, ABANCA financia o plan estratéxico 2022-2026 de Afundación e supera nun 27% o financiamento realizado entre 2015 e 2019
- A entidade achegou a Afundación 110 millóns de euros desde 2014
- Os membros do Padroado de Afundación foron informados e mostraron o seu recoñecemento á medida tomada por ABANCA
Descarga en alta resolución Serás redirixido a outro sitio web e abrirase nunha nova ventá
ABANCA achegará a Afundación 45 millóns de euros ata 2027. Con esta medida, asegura o financiamento do seu plan de acción para os próximos cinco anos. A decisión reforza o compromiso social de ABANCA nun contexto de incerteza económica e supera o compromiso asinado en 2014. O acordo foi comunicado na reunión do Padroado celebrada na sede de Afundación na Coruña. Os membros do Padroado expresaron o seu recoñecemento unánime pola decisión de ABANCA.
O novo acordo representa un marco de estabilidade nun escenario desfavorable e permitirá a Afundación potenciar os obxectivos e actividade planificada dentro do seu plan estratéxico. Os 45 millóns aprobados esta mañá para os próximos cinco anos supoñen un 27% máis que a contribución realizada no período 2015-2019. A achega media de ABANCA increméntase un 17%.
Durante este período, Afundación seguirá impulsando as áreas transversais recollidas no seu plan estratéxicoSerás redirixido a outro sitio web 2022-2026: a innovación e transformación dixital, a sostibilidade e a implicación social, atendendo deste xeito ás necesidades e demandas actuais. Estes tres eixos están presentes en todos os proxectos que desenvolve a Obra Social de ABANCA nas súas catro principais áreas de actuación: a educación, os maiores, a cultura e o voluntariado e a participación social.
O investimento total de ABANCA en Afundación desde 2014 ascenderá con esta nova achega a 110 millóns, investidos na execución dos programas sociais, educativos e culturais que Afundación desenvolve e que teñen anualmente máis dun millón de beneficiarios. Ao investimento directo realizado durante estes anos, hai que engadir o apoio institucional e organizativo que ABANCA ofrece a Afundación de forma permanente. Co acordo, ABANCA dá continuidade ao reto que asumiu en 2014 de dar estabilidade á actividade desenvolvida por Afundación.