ABANCA adquire un edificio para concentrar a súa actividade e cadro de persoal en Madrid
- O inmoble, reformado integramente, está situado no número 4 de Paseo de Recoletos
Inmoble adquirido por ABANCA, situado no Paseo de Recoletos.
Descarga en alta resolución Serás redirixido a outro sitio web e abrirase nunha nova ventá
ABANCA vén de adquirir un edificio en Madrid para concentrar a súa actividade e cadro de persoal na capital de España. O inmoble, un edificio singular cunha superficie total de 3.700 metros cadrados distribuídos en dez plantas, incluídas as baixo rasante, está situado en Paseo de Recoletos 4.
O inmoble foi construído a finais do século pasado e foi reformado integramente durante este ano dotándoo dos recursos tecnolóxicos máis avanzados. As súas instalacións acollerán as áreas e empregados que ata agora se encontraban situados en diferentes centros de Madrid.
A adquisición deste novo inmoble forma parte da estratexia de desenvolvemento da entidade e supón unha mellora na súa eficiencia.
Nos últimos meses ABANCA puxo en marcha unha estratexia comercial de ámbito nacional baseada nunha ampla oferta de produtos, no impulso da súa estratexia dixital e na redistribución da súa rede física.