ABANCA, Afundación e a AGEF renovan o seu acordo de apoio ao tecido empresarial familiar galego e ao emprendemento
De esquerda a dereita: Víctor Nogueira, presidente de AGEF, Francisco Botas, conselleiro delegado de ABANCA e Miguel Ángel Escotet, director xeral de Responsabilidade Social, Sostibilidade e Comunicación de ABANCA e presidente de Afundación.
Descarga en alta resolución Serás redirixido a outro sitio web e abrirase nunha nova ventá
De esquerda a dereita: Víctor Nogueira, presidente de AGEF, Francisco Botas, conselleiro delegado de ABANCA e Miguel Ángel Escotet, director xeral de Responsabilidade Social, Sostibilidade e Comunicación de ABANCA e presidente de Afundación.
Descarga en alta resolución Serás redirixido a outro sitio web e abrirase nunha nova ventá
ABANCA e Afundación renovaron hoxe o acordo de colaboración que mantiñan coa Asociación Galega da Empresa Familiar (AGEF) para realizar actividades asociativas e formativas na divulgación da importancia do tecido empresarial familiar, a importancia do seu papel social e económico, e para fomentar o emprendemento cun programa educativo en centros educativos de primaria e secundaria. Os acordos foron subscritos por Francisco Botas, conselleiro delegado de ABANCA, Miguel Ángel Escotet, director xeral de Responsabilidade Social, Sostibilidade e Comunicación de ABANCA e presidente de Afundación, e Víctor Nogueira, presidente de AGEFSerás redirixido a outro sitio web.
Por parte de ABANCA, a renovación do acordo ten como obxectivo contribuír ao fortalecemento e continuidade das empresas familiares, á mellora da súa contorna legal e fiscal e a fomentar o espírito empresarial. A entidade financeira será a principal patrocinadora das actividades que a Asociación Galega da Empresa Familiar realice. “Coa renovación deste acordo queremos reforzar o apoio e o compromiso de ABANCA co tecido produtivo galego e as empresas de orixe familiar polo seu traballo e implicación na reactivación económica”, asegurou Francisco Botas.
O convenio con Afundación vai dirixido a continuar co apoio ao programa educativo ‘Empresa familiar nas aulas’. Esta iniciativa, dirixida a estudantes e profesores galegos de 6º de Educación Primaria e 4º de Educación Secundaria Obrigatoria, ten como obxectivo dar a coñecer a relevancia económica e social da empresa familiar e promover as vocacións emprendedoras entre os estudantes. Para Miguel Angel Escotet, "a educación, en calquera etapa da vida e conforme ao actual contexto social de permanente cambio, é unha das prioridades de Afundación, a medula espinal do noso servizo á sociedade galega e o motor da nosa actividade. Esta alianza con AGEF responde a este labor, reforzando o desenvolvemento dunha cultura emprendedora entre os máis novos e pondo en valor a importancia da empresa familiar como xeradora de emprego e riqueza no seu territorio."
O acordo contempla que empresas vinculadas á AGEF participen nas conferencias e outras actividades organizadas dentro do ‘Plan Conecta’ de IESIDE.Serás redirixido a outro sitio web