ABANCA, Afundación e AGA-Ucraína envían 23 novas toneladas de axuda humanitaria a Ucraína en colaboración con 14 empresas leonesas
- As tres organizacións remitiron xa 92 toneladas de material de primeira necesidade á zona do conflito
- O camión transporta produtos de alimentación e roupa de abrigo
Un grupo de persoas voluntarias de ABANCA diante do camión que transporta a axuda humanitaria doada por 14 empresas leonesas e o persoal do banco.
Descarga en alta resolución Serás redirixido a outro sitio web e abrirase nunha nova ventá
ABANCA, Afundación e AGA-Ucraína realizaron hoxe o cuarto envío de axuda humanitaria a Ucraína, tras os transportes organizados desde A Coruña, Santiago de Compostela e Ourense. O banco, a súa Obra Social e a asociación remitiron xa 92 toneladas de material de primeira necesidade á zona de conflito desde que se iniciou a crise humanitaria.
O cuarto camión partiu de León e ten o mesmo destino que os anteriores, o punto fronteirizo de Przemysl, entre Polonia e Ucraína. Transporta 23 toneladas de produtos, fundamentalmente alimentos frescos, como froitas e verduras, legumes, embutidos e conservas, así como roupa de abrigo.
O material foi doado por 13 compañías do sector agroalimentario (Cofrubi, IBSA, Cefrubierzo, Embutidos Pajariel, Legumbres Luengo, Grupo Sibuya, Vega Esla, Embutidos Rodriguez, Prodeleco, Legumbres Penelas, Patatas Hijolusa, Oblanca e Pharmadus), Decathlon León e o persoal de ABANCA na provincia.
Desde Przemysl, onde está habilitado un almacén de recollida, realizarase o traslado das doazóns ata as municipalidades de Truskavets e Leópolis, situadas ao oeste de Ucraína. Ambas as dúas localidades sofren desabastecemento de produtos básicos e atópanse no corredor de saída da poboación que foxe cara á fronteira e que necesita asistencia humanitaria.
Un grupo de persoas voluntarias de ABANCA que colaboraron tanto na xestión e clasificación das doazóns como na organización deste transporte, entre as que se atopaba o director territorial do banco en Castilla y León e Asturias, Marcos Lamas, desprazáronse ás instalacións da empresa Transleyca, último punto de carga de material do camión antes de iniciar a viaxe cara á fronteira entre Polonia e Ucraína, para supervisar a saída.
Ademais do apoio á asociación AGA-Ucraína, ABANCA e Afundación manteñen vixentes outras medidas que impulsaron para contribuír a paliar as necesidades da poboación ucraína e as persoas refuxiadas, como a conta solidariaSerás redirixido a outro sitio web ES80 2080 7208 3385 3000 7122 para recadar fondos para Cruz Vermella e Save the Children, a gratuidade das transferencias que se realicen desde España a Ucraína ou o aproveitamento da infraestrutura creada para o programa Cultura por Alimentos para a recollida de material nos espazos de Afundación.