ABANCA amplía as súas respostas a medida para as explotacións de regadío de Los Payuelos
- O banco pon a disposición dos agricultores produtos de financiamento e seguros a medida
- A entidade financeira alíase cos regantes leoneses para impulsar o proceso de amoblamento de fincas e mellorar a sostibilidade
- Os asociados terán á súa disposición a liña de financiamento oficial ICO e os préstamos bonificados polo Instrumento Financiero de Gestión Centralizada do MAPA a través da Junta de Castilla y León
Á esquerda, o coordinador de ABANCA Agro, Alfonso García Marcos e á dereita, o presidente da Comunidad de Regantes de Los Payuelos, Jorge Fernando Álvarez Gago.
ABANCA e a Comunidad de Regantes de Los Payuelos, en León, veñen de renovar o seu convenio de colaboración co obxectivo posto en impulsar o proceso de amoblamento das fincas deste entorno. A entidade financeira e a comunidade de regantes comprométense grazas a este novo texto a mellorar a competitividade dos cultivos da comarca, no marco da situación actual xerada pola crise sanitaria e económica da COVID-19.
O acordo foi asinado en Sahagún por parte do coordinador de ABANCA Agro, Alfonso García Marcos e o presidente da Comunidad de Regantes de Los Payuelos, Jorge Fernando Álvarez Gago.
No texto recóllense unha serie de medidas financeiras adaptadas ás necesidades propias da actividade agrogandeira do sector, como as pólizas de crédito, desconto comercial, confirming ou liñas de comercio exterior. De maneira adicional, os regantes poderán acceder a outros produtos como préstamos persoais, leasing mobiliario, préstamos para anticipo de impostos e subvencións, anticipos PAC e préstamos hipotecarios.
Con este amplo catálogo de produtos, o banco apoia non só o proceso de amoblamento de fincas, senón que tamén se compromete coas necesidades actuais dos regantes, marcadas pola crise sanitaria e económica. Para eles, o banco activa as liñas de financiamento oficiais do ICO, deseñadas para facer fronte ás necesidades da COVID-19 e os préstamos garantidospolo Instrumento Financiero de Gestión Centraliza do MAPA. Todo isto sen esquecer algúns dos retos nos que estaba inmerso o sector previamente, como a aposta pola mellora da sostibilidadee a xestión eficiente dos recursos.
Ademais, o banco pon a disposición dos agricultores unha gama de seguros para dar resposta ás demandas do colectivo, como seguros para pemes, seguros de saúde ou seguros de accidentes.
Apoio ao sector agrícola
As explotacións da Comunidad de Regantes de Los Payuelos abastecen os seus cultivos de regadío a través das diversas estacións de bombeo e redes de regadío coa auga procedente do embalse de Riaño.
Este acordo supón un novo impulso ao compromiso que mantén a unidade especializada ABANCA Agro co sector agrícola e o medio rural, que xera unha gran cantidade de empregos na zona. Esta división específica do banco conta actualmente con produtos e servizos específicamente deseñados para o sector e con profesionais altamente formados para a súa xestión.