ABANCA apoia o ABANCA Ademar e patrocinará a vindeira Copa ASOBAL que se celebra en León

  • A competición terá lugar o 19 e 20 de decembro e reunirá aos mellores equipos da liga regular, entre eles o conxunto ademarista
  • A entidade financeira regala 3.000 entradas nas súas 50 oficinas da provincia para o partido de liga regular que medirá ao ABANCA Ademar co BM Aragón

Presentación do patrocinio da copa ASOBAL

Descarga en alta resolución Serás redirixido a outro sitio web e abrirase nunha nova ventá

Descarga en alta resolución Serás redirixido a outro sitio web e abrirase nunha nova ventá

ABANCA apoia a celebración da vindeira Copa BAUHAUS ASOBAL que se disputará no Pazo Municipal dos Deportes de León o 19 e 20 de dicembro. Un acontecemento que reunirá os mellores equipos da liga regular, entre eles o conxunto de balonmán leonés como anfitrión.

O patrocinio presentouse onte no Pazo do Conde Lúa de León e permite colocar á cidade como capital deste deporte durante a disputa do campionato. A entidade financeira patrocina un evento que consolida a afección polo balonmán na cidade e que incrementa o potencial turístico de León. Este apoio é unha mostra máis do compromiso que adquiriu ABANCA co cadro ademarista a pasada tempada, cando iniciou o seu patrocinio con vocación de permanencia.

Regalo de entradas para o próximo partido

ABANCA reforza tamén o seu apoio ao ABANCA Ademar coa posta en marcha dunha iniciativa para encher o Pazo Municipal dos Deportes de León o vindeiro 9 de decembro. A entidade financeira pon a disposición dos seareiros do conxunto leonés dende hoxe 3.000 entradas para o encontro que o medirá ante o Balonmán Aragón.

O equipo ademarista chega ao último partido na casa da primeira volta da Liga ASOBAL nun estado de forma excelente, afianzado na quinta posición. ABANCA quere contribuír a pechar esta fase da competición regular cunha vitoria que manteña o equipo na parte alta da táboa. A entidade activa unha promoción para que todos aqueles afeccionados, clientes ou non, poidan pasar a retirar pases gratuítos en calquera das 50 oficinas da entidade financeira na provincia simplemente co DNI.