ABANCA aposta pola innovación e a eficiencia na súa nova sede en Madrid

29-09-2016

ABANCA inaugurará esta tarde a súa nova sede corporativa en Madrid, un centro co que a entidade financeira galega potencia a súa transformación dixital e impulsa una nova forma de traballar, máis áxil, flexible e colaborativa.

Innovación, eficiencia e unha organización espacial totalmente aberta son as principais características que definen o inmoble, un edificio singular situado no número 4 do paseo de Recoletos, proxectado a finais do século XIX como casa-palacio do empresario e filántropo galego Ramón Plá Monje, que foi reformado integramente.

O centro, que posúe unha superficie de 3.700 metros cadrados distribuídos en cinco plantas, baixo, sotos e garaxes, concentrará os servizos e empregados de ABANCASerás redirixido a outro sitio web na capital do país. No andar -1 sitúase a oficina comercial e no baixo, o centro de negocios. O edificio tamén conta cun espazo para Mercados co obxectivo de potenciar as áreas de Tesourería, Distribución e Mercados de Capital do banco.

Os espazos para empregados concéntranse entre as plantas primeira e cuarta. “Quixemos plasmar neste edificio o noso proxecto, o noso xeito de facer as cousas e de relacionarnos cos nosos clientes a través dun concepto sinxelo que entendemos que nos define: aberto. Aberto é o espazo, aberta é a nosa orientación ao cliente, ao futuro, á dixitalización, á eficiencia, á modernización, á especialización”, resaltou Juan Carlos Escotet Rodríguez, vicepresidente de ABANCA.

Innovación tecnolóxica

O edificio está dotado cos medios tecnolóxicos máis avanzados e unha arquitectura interior na que priman os espazos abertos e funcionais –non ten despachos-, con criterios de eficiencia e sustentabilidade medioambiental. Grazas aos recursos tecnolóxicos máis innovadores, cada empregado poderá elixir o seu espazo de traballo en cada momento segundo as súas necesidades e estará permanentemente conectado a través de dispositivos móbiles. “Para ABANCA, Recoletos é o laboratorio de probas das prácticas de Capital Humano para transformar o noso modelo de traballo. Perseguimos unha forma de traballar áxil, colaborativa, flexible, eficiente e empática que permita ofrecer unha atención completa ao cliente” subliñou o conselleiro delegado, Francisco Botas.

A nova sede xa recibiu a cualificación ‘Moi Boa’ do selo internacional BreeamSerás redirixido a outro sitio web, que cualifica os proxectos e a súa execución desde o punto de vista medioambiental e de sustentabilidade.

Con esta nova sede, ABANCA quere promover na entidade un cambio substancial na forma de traballar, a través de contornas que favorecen a flexibilidade, con espazos máis colaborativos e áxiles na toma de decisións. Está previsto que esta transformación se estenda progresivamente ao resto de sedes do banco.

Incremento da dixitalización

ABANCA dá un paso máis na súa aposta pola dixitalización e a innovación. O banco está situado como unha das entidades financeiras españolas máis innovadoras e cun maior desenvolvemento das canles e servizos online e móbilesSerás redirixido a outro sitio web, avanzando no número de clientes, sen esquecer a usabilidade, a seguridade e a accesibilidade.

A entidade realiza máis do 93% das interaccións con clientes a través de canles non presenciais. O 56% dos clientes de ABANCA elixe para a súa operativa habitual a banca online ou móbil da entidade, cun incremento nos últimos seis meses de 65.000 clientes no uso de servizos de banca electrónica de particulares por internet ou móbil.

A banca móbil de ABANCA supera os seis millóns de accesos ao mes, o triplo que hai dous anos. Esta aplicación é valorada polos usuarios cunha nota media de 9 sobre 10 en satisfacción co servizo, pola súa facilidade de acceso, rapidez de execución de operacións e seguridade.