ABANCA aposta polo crecemento das áreas industriais da contorna Vigo cun investimento de ata 375 millóns

15-06-2023

ABANCA acaba de activar unha liña de crédito dotada con 325 millóns de euros, ampliable ata 375 millóns, para atraer proxectos de investimento que reforcen a competitividade das principais áreas industriais de Vigo e a súa área de influencia. O banco reedita así un plan de financiamento que se compromete directamente coa viabilidade e o crecemento dalgúns dos principais focos de emprego e riqueza da provincia.

A entidade financeira escenificou este apoio cun acto celebrado na súa sede na cidade olívica. O director territorial de ABANCA en Vigo, Walter Álvarez, foi o encargado de debullar as novidades desta proposta aos representantes das distintas áreas empresariais e destacou a vocación do banco de consolidarse como socio financeiro de referencia para as empresas galegas.

En representación das áreas empresariais participaron no encontro David Regades, delegado da Zona Franca de Vigo (promotora das áreas de Balaídos, zona comercial de Bouzas, parque tecnolóxico e loxístico de Vigo, Porto do Molle en Nigrán e do polígono industrial A Granxa); Indalecio Cuevas, presidente da Entidade Urbanística de Conservación A Granxa; Santiago Gómara, presidente da Asociación de Empresarios de As Gándaras-Porriño; Manuel Castro, presidente da Asociación de Empresarios de Mos; Jesús González, presidente da Asociación Empresarial Areas - Tui; Juan Carlos Lemos, presidente da Asociación de Propietarios e Empresarios do Polígono Chan dá Ponche – Salvaterra; Javier Díaz, presidente da Asociación de Empresarios A Pasaxe, e Roberto Cavallo, presidente Entidade para a Conservación do PTL de Vigo.

Oferta financeira mellorada

O plan de financiamento de ABANCA está deseñado para satisfacer integralmente as necesidades das empresas situadas nestas áreas industriais. Cun enfoque adaptado, permite realizar investimentos e fortalecer a competitividade dos proxectos. Neste sentido, as empresas poderán acceder a financiamento flexible, con amplos prazos de amortización e intereses moi competitivos, a través de préstamos, leasing e distintas alternativas de financiamento oficial.

A oferta de ABANCASerás redirixido a outro sitio web inclúe tamén solucións pensadas para as necesidades máis inmediatas, para así poder adecuarse ás demandas da actividade diaria. O colectivo terá á súa disposición produtos como pólizas de crédito, anticipos, liñas de desconto comercial ou avais. Ademais, a entidade reserva un espazo á internacionalización grazas ás liñas de comercio exterior.

Con este novo acordo, ABANCA afianza a súa posición como entidade financeira de referencia nestes polos industriais, que se converteron en compoñentes imprescindibles dentro do tecido produtivo galego. O banco ofrece unha oferta crediticia que se complementa coa rede de oficinas máis ampla en Galicia, produtos personalizados e un equipo de xestores altamente especializados.

Oportunidades de formación coa UIE

Os representantes das distintas áreas empresariais aproveitaron o encontro para subscribir igualmente un protocolo de colaboración formativa coa Universidad Intercontinental de la EmpresaSerás redirixido a outro sitio web (UIE). Cristina Liao, responsable de Programas in-Company e Consultoría da UIE, foi a encargada de presentar as distintas opcións que ofrece a entidade académica. Grazas a este novo acordo, as empresas poderán beneficiarse de descontos exclusivos en estudos de grao e posgrao, así como acceder a programas de formación adaptados ás súas necesidades.