ABANCA celebra co Monbus Obradoiro o seu regreso á Liga ACB
- A entidade financeira recibe en Santiago a xogadores e corpo técnico do primeiro equipo e á directiva do club para felicitalos por lograr o pase directo á máxima categoría do baloncesto nacional
Foto de familia dos xogadores, corpo técnico e directivos do Monbus Obradoiro, na súa visita ao Centro ABANCA Obra Social en Santiago.
Descarga en alta resolución Serás redirixido a outro sitio web e abrirase nunha nova ventá
Óscar Salgado (dereita) e Héctor Galán, coa camiseta do ascenso do Monbus Obradoiro.
Descarga en alta resolución Serás redirixido a outro sitio web e abrirase nunha nova ventá
Óscar Salgado (dereita) e Héctor Galán, coa placa conmemorativa do ascenso coa que ABANCA obsequiou ao Monbus Obradoiro.
Descarga en alta resolución Serás redirixido a outro sitio web e abrirase nunha nova ventá
O Centro ABANCA Obra Social de Santiago acolleu esta mañá a recepción institucional de ABANCA ao Monbus Obradoiro para celebrar o seu ascenso directo á liga ACB. Os xogadores e corpo técnico do primeiro equipo e parte da directiva do club compostelán foron recibidos polo director territorial de ABANCA en Santiago, Óscar Salgado, que estivo acompañado por varios directores de zona do banco.
Durante o acto, Óscar Salgado fixo entrega ao director xeral do Obradoiro CAB, Héctor Galán, dunha placa conmemorativa do ascenso co nome da entidade financeira, que forma parte do núcleo de patrocinadores principais e a longo prazo do Monbus Obradoiro.
A continuación, o representante de ABANCA trasladou a felicitación do banco ao persoal do primeiro equipo e á directiva do club polo seu regreso á máxima categoría do baloncesto español, un fito alcanzado o pasado venres tras gañar o campionato da Primeira FEB e levantar o título de Copa. Na súa intervención, Óscar Salgado reafirmou o compromiso de ABANCA co Obradoiro: “Ver a nosa imaxe unida a un equipo que nunca se rende e a unha afección tan exemplar é o que dá verdadeiro sentido á nosa histórica alianza co club”, subliñou, á vez que desexou ao equipo o maior dos éxitos no seu regreso á liga Endesa a próxima tempada.