ABANCA celebra o seu II Encontro Internacional en Canarias
- O evento contou coa presenza do presidente do banco, Juan Carlos Escotet Rodríguez, e o conselleiro delegado, Francisco Botas
- Os asistentes, procedentes de seis países, coñeceron os puntos máis importantes do modelo ABANCA e os próximos proxectos da entidade
O presidente de ABANCA, Juan Carlos Escotet Rodríguez, nun momento da súa intervención.
Descarga en alta resolución Serás redirixido a outro sitio web e abrirase nunha nova ventá
Máis de 70 invitados participaron esta tarde no II Encontro ABANCA Internacional en Canarias, celebrado en Santa Cruz de Tenerife. O evento contou coa participación do presidente da entidade financeira, Juan Carlos Escotet Rodríguez, e do conselleiro delegado, Francisco Botas.
O II Encontro ABANCA Internacional en Canarias é un evento dirixido a clientes vinculados ás illas que desenvolvan actividade financeira ou investidora internacional. Á edición deste ano asistiron convidados procedentes de España e outros cinco países de Europa e América.
A través da intervención do presidente de ABANCA, Juan Carlos Escotet Rodríguez, puideron coñecer os principais elementos do modelo diferencial da entidade, como a tecnoloxía, a atención persoal, a especialización e a internacionalización, así como os seus próximos proxectos, como o desenvolvemento do negocio de seguros, o crecemento en Portugal e o reforzo da súa presenza en España. “O noso obxectivo é ter cada día máis clientes satisfeitos, e a iso dedicámonos con toda a nosa ilusión e capacidade, en Canarias e alí onde nos leven os nosos clientes”, explicou.
ABANCA en Canarias
A rede comercial de ABANCA en Canarias está formada por oficinas en Santa Cruz de Tenerife, Los Cristianos, Las Palmas de Gran Canaria e Vecindario. En Santa Cruz de Tenerife e Las Palmas de Gran Canaria a entidade conta con centros especializados na atención a empresas.