ABANCA, Celta e Deportivo únense para promover a cordialidade e o respecto no derbi galego
- A entidade financeira apadriña o novo anuncio que invita ás dúas afeccións a gozar do encontro con respecto
- O spot producido por TEX45 Producións, conta a historia dun pai e un fillo, un do Depor e outro do Celta, obrigados a ver o partido separados
De esquerda a dereita: Celso Borges, Eduardo Berizzo, Gabriel González Eiroa, Gaizka Garitano e Sergio Álvarez.
De esquerda a dereita: Celso Borges, Eduardo Berizzo, Gabriel González Eiroa, Gaizka Garitano e Sergio Álvarez.
Descarga los contenidos anexos
ABANCA acaba de poñer en marcha xunto ao Real Club Celta e ao Real Club Deportivo unha nova edición da iniciativa “Imposible sen ti”. Unha proposta para promover a cordialidade e o respecto entre as afecciones que chega xusto antes da disputa do derbi galego o próximo 23 de outubro no estadio de Balaídos.
O eixo central da campaña é un spot que foi presentado esta mañá na sede institucional do banco en Vigo e contou coa presenza do director de Rede Comercial de ABANCA, Gabriel González Eiroa; os entrenadores do Celta e do Depor, Eduardo Berizzo e Gaizka Garitano e os xogadores do Celta e do Deportivo, Sergio Álvarez e Celso Borges. Cun marcado carácter sentimental e apelando a situacións cotiás galegas, a peza audiovisual amosa a importancia de gozar do encontro con respecto e deportividade.
O director da rede comercial de ABANCA subliñou que “a nosa participación é unha forma de reafirmar o noso compromiso con Galicia, co deporte, coa potente engranaxe económica que é o fútbol para as nosas cidades e dende logo, cos valores que o definen”. Por parte do Celta, o seu adestrador Eduardo Berizzo cualificou de emocionante o spot e desexou “que o derbi do domingo sexa unha verdadeira festa” mentres que Sergio Álvarez valorou o proxecto “como interesantísimo e avogou por unha rivalidade sana”. Pola súa parte, o adestrador do Deportivo, Gaizka Garitano destacou a importancia de “que os nenos como o protagonista do anuncio poidan acudir sen problema a partidos como o que se disputará o domingo e que se viva unha festa do fútbol galego”. Finalmente, Celso Borges referiuse ao fútbol “como ferramenta social e de respecto ao contrario”.
A colaboración da entidade financeira cos dous equipos galegos que militan na máxima categoría de La Liga nesta iniciativa ampliarase tamén ao partido de volta no campo de Riazor.
Con esta acción, ABANCA segue reforzando o seu compromiso co mundo do deporte en Galicia, xa que ademais de ser un dos principais patrocinadores dos dous clubs, colabora activamente con outros conxuntos de elite de diversas disciplinas deportivas. De xeito adicional, desde hai dous anos traballa conxuntamente coa Fundación Deporte Galego nun programa de apoio económico que chega a centos de formacións e milleiros de deportistas.
Unha historia familiar
O anuncio, creado un ano máis por Tex45 Producións, relata a historia de Roque (Roque Blanco) e do seu pai Anxo (Toño Casais) que ten que marchar a traballar ao mar na noite do derbi,. Os dous despídense no porto cunha sentida conversa sobre a importancia dalgunhas decisións. Xa á noite falan nunha vídeo-chamada durante o descanso do partido e comentan as xogadas máis polémicas. O spot avanza e deixa clara unha evidencia: sen un deles dous e da súa paixón, o derbi só sería un partido de fútbol.