ABANCA doa un millón de euros para axudar aos afectados polos incendios
- A entidade habilita a súa conta solidaria para recibir e xestionar doazóns
Descarga en alta resolución Serás redirixido a outro sitio web e abrirase nunha nova ventá
ABANCA doou un millón de euros como axuda inmediata para as zonas afectadas polos recentes incendios forestais. A entidade mostra con esta decisión o seu firme apoio ás persoas e aos sectores damnificados polo lume.
A canalización dos fondos, tanto os xa achegados como as futuras contribucións, realizarase con axilidade e flexibilidade, priorizando a resolución das necesidades máis urxentes.
ABANCA habilitou a súa conta solidaria ES80 2080 7208 3385 3000 7122 para todas aquelas persoas ou entidades que desexen facer donativos.
Estes recursos serán xestionados co máximo rigor, contando co asesoramento de expertos en situacións similares, e seguindo o modelo doutras accións solidarias emprendidas pola entidade: Nepal (2015), #Ecuador (2016), México (2017), COVID (2020) COVAX (2021), Ucraína (2022), o terremoto en Siria e Turquía (2023) ou Valencia (Dana 2024).
Como complemento a estas iniciativas, ABANCA puxo ao dispor dos damnificados, desde o inicio dos sinistros, plans de apoio de ABANCA Agro, así como o equipo de ABANCA Seguros, coa colaboración activa de Afundación.