ABANCA e a súa Obra Social comezan as visitas guiadas á exposición ‘Espazo e tempo. A escultura na Colección ABANCA’
- As persoas interesadas poderán gozar dos percorridos guiados pola mostra os xoves ás 19h de forma gratuita e con inscrición previa en Ataquilla
- A exposición reúne 68 obras da Colección ABANCA e explora a relación entre escultura, pintura e arquitectura
Descarga en alta resolución Serás redirixido a outro sitio web e abrirase nunha nova ventá
ABANCA e a súa Obra Social, Afundación, arrancan este xoves 6 de marzo cun programa de visitas guiadas á exposición ‘Espazo e tempo. A escultura na Colección ABANCA’ que acolle a sede de Afundación na Coruña. A asistencia, aberta a todas as persoas que desexen acudir, é de balde con previa inscrición na páxina web de AtaquillaSerás redirixido a outro sitio web e terá lugar os xoves ás 19h.
A mostra reúne 68 obras da Colección ABANCA de artistas con amplo recoñecemento nacional e internacional, que empregan diferentes materiais e técnicas, e ofrece a oportunidade de apreciar a riqueza da escultura contemporánea nun percorrido cronolóxico histórico-artístico desde finais do século XIX á actualidade.
Cada unha das obras expostas está acompañada dunha cartela cun código QR que pode escanearse a través de calquera dispositivo móbil ou navegador web para que as persoas visitantes poidan explorar as pezas en 3D a través dun visor interactivo e intuitivo. Esta función, que tamén estará dispoñible nun catálogo que se editará proximamente, foi realizada cunha técnica que combina fotogrametría e intelixencia artificial para capturar e reconstruír estatuas coa máxima fidelidade. A exposición, que pode visitarse tamén de maneira independiente, está aberta ao público desde o pasado 21 de febreiro ata o 30 de agosto, en horario de luns a venres de 17.00 a 21.00 h, sábados e festivos de 12.00 a 14.00 h e de 17.00 a 21.00 h, e domingos de 11.00 a 14.00 h.