ABANCA e Ademar renovan o seu convenio de colaboración por tres tempadas máis
- O acordo proporciona estabilidade ao club leonés e permítelle dar continuidade ao seu proxecto deportivo
- Ambas as entidades seguirán unidas ata a tempada 2020-21 grazas a un acordo que tamén inclúe a equipos das categorías inferiores
- Co apoio de ABANCA como principal patrocinador, nos últimos anos o club impulsou o seu proxecto institucional e deportivo
Imaxe da rolda de prensa de presentación do acordo.
Descarga en alta resolución Serás redirixido a outro sitio web e abrirase nunha nova ventá
Foto de familia de integrantes do ABANCA Ademar e representantes de ABANCA.
Descarga en alta resolución Serás redirixido a outro sitio web e abrirase nunha nova ventá
ABANCA e o Club Deportivo Ademar León renovaron o acordo de colaboración que lles une desde o ano 2014. Ambas as entidades subscribiron un convenio segundo o cal a entidade financeira seguirá sendo o primeiro patrocinador do club leonés durante as tempadas 2018-19, 2019-20 e 2020-21.
O acordo foi rubricado nun acto celebrado na oficina principal de ABANCA en León coa presenza do director territorial de ABANCA en León e Asturias, Marcos Lamas, e o presidente do ABANCA Ademar, Cayetano Franco Juan. Na presentación estiveron acompañados por representantes da xunta directiva do club, así como polo adestrador, Rafa Guijosa, o primeiro equipo ao completo e un grupo de xogadores da canteira.
“ABANCA é unha entidade moi presente na vida social, económica, deportiva e cultural de León, de forma que para nós é natural estar vinculados ao primeiro club da provincia, unha institución que proxecta o nome de León de acordo cuns valores de traballo en equipo, esforzo e visión de futuro cos que sentimos moi identificados”, sinalou Marcos Lamas.
Pola súa banda, o presidente do club, Cayetano Franco, indicou que “estamos moi agradecidos a ABANCA, sen cuxo apoio dificilmente estariamos a competir a este nivel, e que nos permitiu sanear o club economicamente, encarando un futuro moi prometedor”.
O acordo resulta clave para a estabilidade económica e a continuidade do proxecto deportivo do ABANCA Ademar. ABANCA foi o patrocinador principal do club no últimas catro tempadas e alcanzará as sete con esta renovación. Esta vocación de permanencia mantida por ABANCA permitiu ao clube gañar en estabilidade e calidade de xestión e traduciuse nun claro impulso deportivo nos últimos anos.
ABANCA, patrocinador principal do club
Segundo os termos do acordo, o equipo leonés seguirá denominándose ABANCA Ademar en todas as competicións nas que participe. Como primeiro patrocinador, a imaxe corporativa de ABANCA aparecerá tamén como marca principal na camiseta, ademais de en outros moitos soportes vinculados á actividade do club (papelería, cartelaría, web, publicacións oficiais, autobús, recinto e pista de xogo, entradas, carnés de socio, etc.).
O patrocinio deportivo ao ABANCA Ademar, que inclúe a equipos das categorías inferiores ademais da o primeiro equipo, forma parte dun amplo compromiso de ABANCA coa familia ademarista. Nos últimos anos ABANCA foi unha das pezas clave para a celebración da Copa ASOBAL en León, implicouse activamente en accións de captación de socios para o club e participou en numerosos actos do grupo de empresas do ABANCA Ademar.