ABANCA e Afundación achegan o universo de Urbano Lugrís a máis de 2.200 escolares
- O programa educativo da exposición ‘Lugrís, paredes soñadas’ ofrece propostas diferentes para chegar ao público escolar de todas as idades
- En Semana Santa, coincidindo coas vacacións escolares, están previstos varios talleres de artes plásticas e restauración
Os nenos e nenas atendendo ás explicacións da guía.
Descarga en alta resolución Serás redirixido a outro sitio web e abrirase nunha nova ventá
Un grupo de escolares gozando da visita á exposición.
Descarga en alta resolución Serás redirixido a outro sitio web e abrirase nunha nova ventá
ABANCA e Afundación veñen de poñer en marcha un completo programa didáctico ao redor da figura de Urbano Lugrís e o traballo de restauración con motivo do proxecto expositivo ‘Lugrís, paredes soñadas’ e a recuperación da pintura mural ‘Vista de A Coruña 1669’.
Ata o momento anotáronse para participar nas diferentes actividades un total de 2.205 escolares de 54 centros educativos da Coruña e a súa área metropolitana. Os obradoiros comezaron o luns 3 de abril e prolongaranse ata o 2 de setembro, cando se clausure a exposición.
As propostas deseñáronse para chegar ao público escolar de todas as idades. Para os máis pequenos ofrécese a actividade ‘Patrulla escolar ao rescate de sereas’, na que os nenos e nenas de Educación Infantil ata 3º de Primaria poderán coñecer diferentes especies mariñas e personaxes míticos presentes na pintura de Urbano Lugrís. O alumnado de 4º de Primaria ata 2º de ESO terá a oportunidade de achegarse ao mundo da restauración grazas ao taller ‘Restaurando a Lugrís’, que lles explicará que o primeiro paso dun bo restaurador é coñecer, investigar e inspeccionar unha maneira de pintar. Por último, para os estudantes de 3º e 4º de ESO, Bacharelato e Ciclos Formativos, está pensado o obradoiro ‘Lugrís, paredes soñadas’, no que se realiza un percorrido panorámico pola historia do século XX a través da vida e obra de Urbano Lugrís.
De cara ás próximas vacacións escolares, ABANCASerás redirixido a outro sitio web e AfundaciónSerás redirixido a outro sitio web prepararon tamén dúas propostas, unha para nenos e nenas de entre 4 e 6 anos e outra para nenos e nenas de 7 a 12 anos. As actividades desenvolveranse os días 10 e 11 de abril, en horario de 10.30 a 12.00 horas e de 12.00 a 13.30 horas.
Todos os interesados en ampliar información sobre o programa didáctico da exposición ‘Lugrís, paredes soñadas’ poden pórse en contacto coa área educativa de Afundación, no teléfono 981 185 060 ou o correo electrónico areaeducativacoruna@afundacion.org.