ABANCA e as principais organizacións agrarias de León renovan a súa colaboración con estratexias para reactivar o sector

27-03-2023

ABANCA segue reforzando o seu compromiso co sector primario leonés e traza, un ano máis, unha estratexia en común con ASAJA León, UCALE-COAG León, UCCL León e UGAL-UPA León para reactivar o sector e responder aos seus desafíos, marcados principalmente polo aumento dos custos dos insumos e o conflito de Ucraína, que segue aumentando a volatilidade dos mercados.

O coordinador de ABANCA Agro en Castela e León, Alfonso García, foi o encargado de firmar os acordos correspondentes co secretario xeral de ASAJA León, José Antonio Turrado; a secretaria xeral de UGAL UPA León, Sonia Castro; o secretario xeral de UCALE-COAG León, Apolinar Castellanos e o presidente de Unión Campesinos León UCCL, Juan Antonio Rodríguez.

Os acordos establecen unha serie de fórmulas de crédito deseñadas e elaboradas específicamente para os agricultores que forman parte destes sindicatos e que reflicten o compromiso coa sostibilidade de todas as entidades implicadas. Os convenios tamén recollen unha serie de produtos e servizos que permitirán poñer en marcha novos proxectos e mellorar a competitividade dos actuais. Ademais, para que isto sexa posible, ABANCA ofrece unha serie de préstamos persoais con amplos prazos de amortización, posibilidade de carencias e xuros moi competitivos. Tamén especifican unha serie de liñas para potenciar o desenvolvemento de actividades sostibles, solucións como leasing mobiliario e diferentes alternativas de financiamento dos convenios co ICO, SGR nacionais, Instrumento Financiero de Gestión Centralizada del MAPA e SAECA.

Solucións para o día a día

Para facer fronte aos retos da actividade diaria dos agricultores, os membros das organizacións contan con diferentes solucións, como a póliza de crédito específica para o sector, diferentes fórmulas como o préstamo anticipo para colleitas ou subvencións, préstamos para os gastos de campaña ou anticipos para as axudas da PAC. A través destes servizos, os agricultores poderán minguar os efectos que está causando o aumento dos custos dos insumos debido ao conflito bélico en Ucraína. Así mesmo, o acordo permitiralles beneficiarse das vantaxes que lles ofrece o Programa Servizos ABANCA, que permite aforrar no pagamento dos servizos bancarios máis habituais.

ABANCA e os catro sindicatos van máis aló da ampla oferta de produtos e servizos anteriormente mencionados e poñen a disposición dos agricultores a cercanía e experiencia da unidade especializada ABANCA Agro, que conta con xestores propios formados especificamente nas necesidades do campo coa capacidade de crear produtos específicos para subsanar situacións ou necesidades imprevistas.

Reforma da PAC 2023-2027

A renovación destes acordos coincide co inicio da nova reforma da PAC 2023-2027 e tanto ABANCA como as organizacións traballan xa na súa tramitación para facilitar a domiciliación dos pagamentos e para ofrecer alternativas de crédito para o seu anticipo aos agricultores. O anticipo permitiralles optar ata ao 90% do importe da axuda de forma rápida. Para axilizar a tramitación destes anticipos, o banco simplificou os trámites para facilitar o acceso ás principais liñas de financiamento de circulante por un importe de ata 100.000 euros para anticipos das axudas PAC, financiamento de primas de seguros agrarios ou gastos de campaña.

Coa renovación destes acordos, ABANCA mostra, unha vez máis, o seu compromiso e apoio á economía leonesa, en especial ao sector primario, fundamental en toda a provincia.