ABANCA e Crédit Agricole subscriben un acordo de colaboración comercial e financeira de ámbito internacional
- Crédit Agricole e ABANCA pasarán a ser socio de referencia preferente do outro nos países nos que só opere un deles
- O acordo tamén permitirá aos clientes de Bankoa beneficiarse das capacidades de ambos os grupos en España e outros países
De esquerda a dereita, o conselleiro delegado de ABANCA, Francisco Botas, o CEO adxunto de Crédit Agricole, Xavier Musca, e o presidente de ABANCA, Juan Carlos Escotet Rodríguez.
ABANCA e Crédit Agricole alcanzaron un acordo comercial de ámbito internacional polo que ambas as entidades pasarán a ser socio de referencia preferente do outro naqueles países nos que só opere un deles. O acordo chega tras formalizar a compravenda de Bankoa e un ano despois do inicio da colaboración entre ambas as entidades coa creación dunha compañía bancoaseguradora de seguros xerais.
Segundo esta alianza, ABANCA e Crédit Agricole promoverán o acceso a servizos bancarios e financiamento en países onde o outro estea presente, ampliando así a capacidade de apoio internacional conxunto aos clientes, con especial foco en Francia, España, Portugal, Italia, Centroeuropa, norte de África, Oriente Medio e Asia. En canto aos clientes particulares, ambos os grupos desenvolverán servizos transaccionais e de financiamento entre países que supoñan un valor engadido para os clientes.
O acordo de colaboración comercial entre ABANCA e Crédit Agricole tamén permitirá aos clientes de Bankoa beneficiarse das capacidades de ambos os grupos, tanto no mercado español como noutros países. O seu contido inclúe diferentes servizos financeiros e ofrece beneficios tanto ao segmento de clientes empresariais como particulares. No segmento de pemes e empresas supón a continuidade da práctica totalidade dos servizos que o grupo Crédit Agricole prestaba até agora a Bankoa no ámbito do negocio internacional, como os programas de emisión de avais no estranxeiro e os servizos de acompañamento a empresas.
Alianza a longo prazo
A compra-venda de Bankoa e o acordo comercial supoñen un paso adiante na alianza estratéxica que ABANCA e Crédit Agricole manteñen desde hai un ano. O seu primeiro froito foi a creación dunha compañía bancoaseguradora conxunta que xestionará o negocio de seguros xerais de ABANCA no mercado español e portugués durante os próximos 30 anos.
Devanditos acordos foron obxecto dunha reunión celebrada o martes, 29 de setembro, entre o presidente e o CEO de ABANCA, Juan Carlos Escotet Rodríguez e Francisco Botas, respectivamente, e o equipo directivo de Crédit Agricole, encabezado polo seu CEO adxunto, Xavier Musca.