ABANCA e Lanzadera unen as súas forzas para buscar startups fintech e insurtech

08-10-2019

ABANCASerás redirixido a outro sitio web, entidade financeira líder no noroeste de España, e LanzaderaSerás redirixido a outro sitio web, a aceleradora de empresas impulsada por Juan Roig, chegaron a un acordo de colaboración para apoiar a emprendedores que poidan achegar solucións innovadoras nos sectores fintech e insurtech – novos servizos financeiros e de seguros, respectivamente –. A iniciativa enmárcase no programa Corporate de LanzaderaSerás redirixido a outro sitio web que impulsa startups con ideas novas da man de grandes compañías.

Durante o programa de aceleración, de ata 11 meses de duración, ambas entidades ofrecerán formación, apoio e asesoramento aos equipos seleccionados. Ademais, as empresas disporán dunha bolsa económica para desenvolver unha proba de concepto con ABANCA durante o programa. A entidade financeira porá en contacto aos emprendedores con profesionais do seu equipo e daralles acceso a recursos técnicos e aos seus centros de traballo para a implantación do seu produto ou servizo. Lanzadera, pola súa banda, porá á súa disposición un director de proxectos e persoal especializado en diferentes áreas que apoiará aos seleccionados no desenvolvemento do seu proxecto.

A aceleradora proporcionará ao emprendedor, ademais, formación no Modelo de Xestión de Calidade Total, acceso a relatorios e eventos, e dispoñibilidade total das súas instalacións. Os equipos seleccionados contarán así cunha zona de traballo e contacto continuo con outros emprendedores. Este programa é ‘equity-free’, polo que as startups non terán que ceder ningunha porcentaxe da súa empresa.

“Desde Lanzadera estamos moi contentos con este acordo, xa que nos permitirá apoiar xunto a unha entidade tan recoñecida como ABANCA a empresas capaces de innovar en servizos financeiros e seguros. A disrupción tecnolóxica abriu novos horizontes nestes sectores e queremos que as startups seleccionadas acheguen solucións innovadoras á compañía”, afirma Javier Jiménez, director xeral de Lanzadera.

Para ABANCA, en palabras do seu director de Innovación, Eduardo Aldao, “o acordo con Lanzadera vainos a permitir chegar a moitos máis emprendedores e empresas emerxentes de toda España, ademais de unir toda a experiencia en emprendimiento empresarial da principal aceleradora de empresas a nivel nacional coa nosa propia experiencia en innovación e aceleración de startups no sector financeiro e de seguros”.

Os candidatos poden ampliar a información sobre este programa Corporate na web de Lanzadera, onde poderán inscribirse a partir do próximo 3 de decembro. O programa arrincará en maio de 2020 e, para o mesmo, Lanzadera e ABANCA aceptan propostas en calquera grao de madurez -desde ideas a proxectos consolidados- . ABANCA convértese así na primeira empresa do sector financeiro en pechar un acordo Corporate con Lanzadera.

Sobre Lanzadera/Mariña de Empresas

A incubadora e aceleradora de startups LanzaderaSerás redirixido a outro sitio web forma parte, xunto con EDEM Escola de Empresarios e a sociedade de investimento Angels, do polo de emprendemento Marina de EmpresasSerás redirixido a outro sitio web. Trátase dunha iniciativa de Juan Roig, situada na Mariña de València, que ten a misión de formar, asesorar e financiar aos emprendedores de hoxe e do futuro e que constitúe unha aposta pola creación de riqueza, o emprego e o fomento da cultura do emprendemento.

Lanzadera ofrece diferentes programas en función da tipoloxía e da madurez das empresas e os proxectos. Ademais, conta con acordos CorporateSerás redirixido a outro sitio web con outras 9 grandes compañías de proxección internacional e de diversos sectores nos que se brinda aos emprendedores a posibilidade de resolver novos retos de innovación que estas expoñen. Para formar parte dos programas, os emprendedores poden enviar o seu proxecto a www.lanzadera.es